পদূলিমুখত হেঁপাহৰ ৰঙালী। ৰাজ্যজুৰি এতিয়া ৰঙালীক আদৰাৰ প্ৰস্তুতি তুংগত। প্ৰান্তে প্ৰান্তে এতিয়া শুনিবলৈ পোৱা গৈছে ঢোলৰ গুমগুমনি। বিহুৰ আখৰাত ব্যস্ত ডেকা–গাভৰুসকল। বিহু মঞ্চত কঁকাল ভাঙিবলৈ এতিয়া দিনে–নিশা চলাইছে প্ৰস্তুতি। ঠায়ে ঠায়ে চলিছে বিহুৰ আখৰা, ঢোল–পেঁপা–গগণাৰ মাতত ৰজনজনাইছে আকাশ–বতাহ।
আন আন শিল্পী সকলৰ দৰে বিহু মঞ্চৰ বাবে সাজু হৈছে সকলোৰে মৰমৰ কন্ঠশিল্পী আচুৰ্য বৰপাত্ৰ। ১৪ এপ্ৰিল তাৰিখে পশ্চিম গুৱাহাটী, ভৰলুমুখৰ পৰা আৰম্ভ হ’ব আচুৰ্য বৰপাত্ৰৰ অনুষ্ঠান। ইতিমধ্যে, শিল্পীজনে প্ৰথমখন তালিকা ৰাজহুৱা কৰিছে।
