ভাৰতীয় বায়ু সেনা বিষয়া তথা গ্ৰুপ কেপ্টেইন অভিনন্দন বৰ্ধমানক ৰাষ্ট্ৰপতি ৰামনাথ কোবিন্দে আজি বীৰ চক্ৰ প্ৰদান কৰে। অভিনন্দন বৰ্ধমানক শেহতীয়াকৈ গ্ৰুপ কেপ্টেইন পদলৈ পদোন্নতি দিয়া হৈছিল। বালাকোট বিমান আক্ৰমণৰ এদিন পিছত ২৭ ফেব্ৰুৱাৰীত আকাশী যুঁজৰ সময়ত অভিনন্দন বৰ্ধমানে এখন পাকিস্তানী F-16 যুঁজাৰু বিমানত আক্ৰমণ চলাইছিল।
এই প্ৰক্ৰিয়াত, তেওঁ পাকিস্তান অধিকৃত কাশ্মীৰৰ ওপৰেৰে উৰা মাৰিছিল আৰু তেওঁৰ MiG-21 ভূপতিত হৈছিল। তাৰ পিছত তেওঁক পাকিস্তান সেনাই জিম্মাত লৈছিল। বিষয়টোত আন্তৰ্জাতিক হস্তক্ষেপৰ লগতে ভাৰতৰ পক্ষই প্ৰয়োগ কৰা ব্যাপক চাপৰ বাবে পাকিস্তান সেনাই তেওঁক মুক্তি দিবলৈ বাধ্য হৈছিল।
অভিনন্দন বৰ্ধমান শ্ৰীনগৰস্থিত 51 স্কোয়াড্ৰনৰ অংশ আছিল আৰু ২০১৯ৰ ২৭ ফেব্ৰুৱাৰীত পাকিস্তানে আৰম্ভ কৰা আকাশী আক্ৰমণ প্ৰতিহত কৰিবলৈ উৰা মাৰিছিল।
