শিৱসাগৰত অভিযান চলাইছে যোৰহাট আৰক্ষীয়ে। ডকাইতিৰ ঘটনাত অভিযুক্ত ৰাবুল হুছেইনক লগত লৈ আৰক্ষীয়ে এই অভিযান চলায়। উল্লেখ্য যে, বিগত প্ৰায় ২০ দিন ধৰি পলাতক হৈ থকা ৰাবুল হুছেইনে বৃহস্পতিবাৰে পুলিবৰ আৰক্ষীৰ ওচৰত আত্মসমৰ্পণ কৰে।
উল্লেখ্য যে, ইয়াৰ পূৰ্বে এই ডকাইতিৰ ঘটনাৰে জড়িত থকাৰ অভিযোগত যোৰহাট আৰক্ষীয়ে জাকিৰ হুছেইন আৰু আছিকুৰ আলম নামৰ দুজন লোকক গ্ৰেপ্তাৰ কৰিছিল।
যোৱা ১৫ অক্টোবৰত চাৰিজনীয়া ডকাইতৰ দলে ডিব্ৰুগড় অভিমুখী এখন বলেৰ’ বাহনত লুটপাত চলাইছিল। এই ঘটনাত ওমৰ আলী নামৰ এজন ব্যৱসায়ীৰ পৰা নগদ ২ লাখ ২৬ হাজাৰ টকা লুটি নিয়াৰ অভিযোগ উত্থাপন হৈছিল।
ইফালে, আৰক্ষীয়ে ডকাইতিৰ ঘটনাত ব্যৱহৃত এখন চেভ্ৰ’লেট বাহনো জব্দ কৰিছে। বৰ্তমান ঘটনাৰ সৈতে জড়িত আন দিশসমূহৰ তদন্ত অব্যাহত ৰাখিছে আৰক্ষীয়ে।
