ডুবাই যোৱাৰ পৰিকল্পনা আছিল, কিন্তু বিমানত উঠাৰ সলনি বিমানবন্দৰৰ পাৰ্কিঙতে টোপনি গ’ল এজন যাত্ৰী! বিমান মিছ কৰাৰ এই ঘটনাই এতিয়া চৰ্চা লাভ কৰিছে সকলোতে।
ঘটনা উত্তৰ প্ৰদেশৰ বাৰাণসীৰ লাল বাহাদুৰ শাস্ত্ৰী আন্তঃৰাষ্ট্ৰীয় বিমানবন্দৰৰ। গোৰখপুৰৰ বাসিন্দা ভূষণ কুমাৰে সন্ধিয়া প্ৰায় ৫.৩০ বজাত বিমানবন্দৰত উপস্থিত হৈছিল। নিশা ৯.০৫ বজাত এয়াৰ ইণ্ডিয়া এক্সপ্ৰেছৰ বিমানেৰে ডুবাইলৈ যোৱাৰ কথা আছিল তেওঁৰ।
কিন্তু টাৰ্মিনেলত প্ৰৱেশ কৰাৰ পৰিৱৰ্তে তেওঁ পাৰ্কিং এলেকালৈ যায়। তাত নিচাসক্ত অৱস্থাত শুই থকা বুলি সন্দেহ কৰি নিৰাপত্তাৰক্ষীয়ে আৰক্ষীক খবৰ দিয়ে।
আৰক্ষী উপস্থিত হোৱাৰ সময়লৈকে বিমান উৰা মাৰিছিল। পিছত ভূষণক চিকিৎসা পৰীক্ষাৰ বাবে লৈ যোৱা হয় আৰু তেওঁৰ পৰিয়ালকো খবৰ দিয়া হয়।
