গোলাঘাটৰ দলৌজানত চাঞ্চল্যকৰ মৰেল পুলিচিং; সোপাধৰাৰ সন্দেহত যুৱকক মাৰপিট

গোলাঘাটৰ দলৌজানত সংঘটিত হৈছে চাঞ্চল্যকৰ মৰেল পুলিচিঙৰ ঘটনা। কৃষি বিভাগৰ জৰীপৰ কামত যোৱা আদিত্য দত্ত নামৰ এজন যুৱকক সোপাধৰা বুলি সন্দেহ কৰি একাংশ উত্তেজিত লোকে বান্ধি মাৰপিট কৰাৰ অভিযোগ উত্থাপন হৈছে।

জানিব পৰা মতে, যোৱা ৪ অক্টোবৰ, দেওবাৰে দলৌজান ৱাৰ্ডত কৃষি বিভাগৰ জৰীপ চলাবলৈ গৈছিল আদিত্য দত্ত। অচিনাকী অঞ্চলটোত বিভিন্ন ঠাই চিনাক্ত কৰাৰ সুবিধাৰ বাবে তেওঁ তিনিগৰাকী শিশুৰ সহায় লৈছিল। সেই সময়তে একাংশ লোকে তেওঁক শিশু অপহৰণকাৰী বুলি সন্দেহ কৰি হুলস্থূলৰ সৃষ্টি কৰে।

অভিযোগ অনুসৰি, উত্তেজিত লোকসকলে আদিত্য দত্তক বান্ধি লৈ নিৰ্মমভাৱে মাৰপিট কৰে। ঘটনাৰ খবৰ বিয়পি পৰাৰ পিছত আত্মীয় আৰু গাঁওৰক্ষী বাহিনীৰ লোক ঘটনাস্থলীত উপস্থিত হৈ গুৰুতৰভাৱে আহত যুৱকজনক উদ্ধাৰ কৰে।

আক্ৰমণত গুৰুতৰভাৱে আহত আদিত্য দত্তক পিছত শ্বহীদ কুশল কোঁৱৰ অসামৰিক চিকিৎসালয়ত ভৰ্তি কৰোৱা হয়।

ইফালে, ঘটনা সন্দৰ্ভত ভুক্তভোগী যুৱকজনে ফৰকাটিং আৰক্ষী থানাত এজাহাৰ দাখিল কৰিছে। ঘটনা সন্দৰ্ভত তদন্ত অব্যাহত আছে।

আনহাতে, অভিযোগ অনুসৰি, আক্ৰমণকাৰীসকলে ঘটনাৰ প্ৰকৃত তথ্য গোপন কৰি সংবাদ মাধ্যমকো বিপথে পৰিচালিত কৰাৰ চেষ্টা কৰিছিল। ঘটনাটোৱে অঞ্চলটোত তীব্ৰ চাঞ্চল্যৰ সৃষ্টি কৰিছে।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...