ভাৰতীয় বায়ুসেনাত মহিলাৰ নতুন মাইলষ্টোন। এয়াৰ ভাইচ মাৰ্শ্বাল পদত অধিষ্ঠিত হৈ ইতিহাস ৰচিলে শক্তি শৰ্মাই। তেওঁ ভাৰতীয় সশস্ত্ৰ বাহিনীৰ অ-চিকিৎসা শাখাৰ পৰা এই পদ লাভ কৰা প্ৰথমগৰাকী মহিলা বিষয়া
নতুন দায়িত্বত শক্তি শৰ্মা
এয়াৰ ভাইচ মাৰ্শ্বাল শক্তি শৰ্মাই আজি বায়ুসেনাৰ মুখ্য কাৰ্যালয়ত Assistant Chief of the Air Staff (Education) হিচাপে কাৰ্যভাৰ গ্ৰহণ কৰে।
এই দায়িত্বত তেওঁ বায়ুসেনাৰ শিক্ষা আৰু প্ৰশিক্ষণ সম্পৰ্কীয় কাৰ্যকলাপৰ নেতৃত্ব দিব।
১৯৯৪ত আৰম্ভ হৈছিল যাত্ৰা
১৮ জুন, ১৯৯৪ত Indian Air Forceৰ Education Branchত কমিছন লাভ কৰিছিল শক্তি শৰ্মাই।
৩২ বছৰৰো অধিক সময়ৰ সেৱাত তেওঁ বায়ুসেনাৰ বিভিন্ন প্ৰশিক্ষণ প্ৰতিষ্ঠান, Air Stations, Command Headquarters আৰু Air Headquartersত গুৰুত্বপূৰ্ণ দায়িত্ব পালন কৰিছে।
সামৰিক শিক্ষা ব্যৱস্থাত বিশেষ অৱদান
শক্তি শৰ্মাই বায়ুসেনা আৰু উচ্চ শিক্ষানুষ্ঠানৰ মাজত সম্পৰ্ক শক্তিশালী কৰাৰ ক্ষেত্ৰতো গুৰুত্বপূৰ্ণ ভূমিকা পালন কৰিছে।
তেওঁৰ উল্লেখযোগ্য অৱদানৰ ভিতৰত IIT Kanpur আৰু Pune Universityত IAF Chairs of Excellenceস্থাপনৰ ক্ষেত্ৰত ভূমিকা অন্যতম।
Sainik Schoolৰ প্ৰথমগৰাকী মহিলা Principal
Air Vice Marshal হোৱাৰ পূৰ্বেও শক্তি শৰ্মাই সৃষ্টি কৰিছিল আন এক ইতিহাস।
তেওঁ আছিল তিনিওটা সশস্ত্ৰ বাহিনীৰ ভিতৰত Sainik Schoolৰ Principal হিচাপে দায়িত্ব গ্ৰহণ কৰা প্ৰথমগৰাকী মহিলা বিষয়া।
তেওঁ Sainik School Kapurthalaৰ Principal হিচাপে দায়িত্ব পালন কৰি ছাত্ৰ-ছাত্ৰীসকলক শিক্ষা, শৃংখলা আৰু সামৰিক কেৰিয়াৰৰ প্ৰতি উৎসাহিত কৰিছিল।
কিয় বিশেষ শক্তি শৰ্মাৰ এই সাফল্য?
এগৰাকী Education Branchৰ বিষয়া হিচাপে আৰম্ভ কৰা যাত্ৰাই তেওঁক লৈ গ’ল বায়ুসেনাৰ অন্যতম উচ্চপদ Air Vice Marshalলৈ।
তেওঁৰ এই সাফল্য কেৱল এগৰাকী বিষয়াৰ পদোন্নতি নহয়—ভাৰতীয় সশস্ত্ৰ বাহিনীত মহিলাৰ ক্ৰমবৰ্ধমান নেতৃত্বৰ এক গুৰুত্বপূৰ্ণ উদাহৰণ।
