অসম প্ৰিমিয়াৰ লীগৰ উদ্বোধনী সংস্কৰণৰ খেলুৱৈৰ তালিকা আনুষ্ঠানিকভাৱে ঘোষণা কৰিছে অসম ক্ৰিকেট সন্থাই। লীগত অংশগ্ৰহণৰ বাবে আগ্ৰহ প্ৰকাশ কৰা পঞ্জীয়নভুক্ত খেলুৱৈসকলৰ মাজৰ পৰা মুঠ ২৭৫ গৰাকী খেলুৱৈক নিলামৰ বাবে তালিকাভূক্ত কৰা হৈছে। সেই নিৰ্দিষ্ট কৰা খেলুৱৈসকলৰ নাম এতিয়া এপিএলৰ খেলুৱৈ নিলামৰ প্ৰক্ৰিয়ালৈ আগবাঢ়িব।
অহা ১৯ জুলাইত গুৱাহাটীৰ ACA ষ্টেডিয়ামত APLৰ বাবে খেলুৱৈৰ নিলাম অনুষ্ঠিত হ’ব আৰু তাতে অংশগ্ৰহণকাৰী ফ্ৰেঞ্চাইজিসমূহে লীগৰ উদ্বোধনী ছিজনৰ বাবে নিজ নিজ দল গঠন কৰিবলৈ খেলুৱৈ নিৰ্বাচন কৰিব।
ক্ৰিকেটীয় প্ৰতিভা প্ৰদৰ্শনৰ বাবে এই লীগে এক অগ্ৰণী মঞ্চ হিচাপে কাম কৰিব আৰু BCCIৰ আগন্তুক ঘৰুৱা ছিজনৰ বাবে খেলুৱৈ চিনাক্তকৰণ আৰু নিৰ্বাচনতো উল্লেখযোগ্য ভূমিকা পালন কৰিব।
অধিক খবৰ পৰৱৰ্তী সময়ত জনোৱা হ’ব।
অসম ক্ৰিকেট সন্থাৰ সম্পাদক সনাতন দাসে জাৰি কৰা এক বিজ্ঞপ্তিত এই কথা প্ৰকাশ ।
