পেট্ৰ’লত ইথানল মিশ্ৰণৰ নীতিক লৈ সৃষ্টি হোৱা বিতৰ্কক ‘ভুল বাখ্যা’ বুলি অভিহিত কেন্দ্ৰীয় মন্ত্ৰী হৰদীপ সিং পুৰীৰ

কেন্দ্ৰীয় মন্ত্ৰী হৰদীপ সিং পুৰীয়ে পেট্ৰ’লত ইথানল মিশ্ৰণৰ নীতিক লৈ সৃষ্টি হোৱা বিতৰ্কক ‘ভুল প্ৰতিবেদন আৰু ভুল বাখ্যা’ বুলি অভিহিত কৰিছে, আৰু তেওঁৰ উত্তৰৰ সমৰ্থনত মৌলিক তথ্যৰ এক চমু সাৰাংশ দাঙি ধৰিছে।

তেওঁ কয় – “E20 ইন্ধন ব্যৱহাৰ কৰা ২০ কোটি দুচকীয়া বাহন আৰু ২০ লাখ চাৰিচকীয়া বাহন পথত চলি আছে। গাড়ী নিৰ্মাতাসকলৰ লগতে এই বাহনবোৰৰ ছাৰ্ভিচিং কৰা লোকসকলেও কৈছে যে ইয়াত কোনো অসুবিধা নাই। তেন্তে হঠাত এই ইচ্ছ্যু কিয়? আমি যোৱা চাৰে তিনি বছৰ ধৰি E15 (১৫% ইথানল আৰু ৮০% পেট্ৰ’লৰ মিশ্ৰণ) ব্যৱহাৰ কৰি আছো। যোৱা বছৰৰ এপ্ৰিল মাহৰ পৰা আমি E20 (২০% ইথানল আৰু ৮০% পেট্ৰ’লৰ মিশ্ৰণ) ব্যৱহাৰ কৰি আছো। ২০২৫ চনৰ এপ্ৰিলৰ পৰা ২০২৬ চনৰ এপ্ৰিললৈ ইতিমধ্যে এবছৰ হৈ গ’ল, আৰু এতিয়া আমি তাৰ পাছৰ আৰু পাঁচ মাহ পাৰ কৰিছোঁ। যদি কোনোবাই E25 (২৫% ইথানল আৰু ৮০% পেট্ৰ’লৰ মিশ্ৰণ)ৰ পৰামৰ্শ দিছে, তেন্তে আমি স্পষ্ট কৰি দিছো যে আমি পৰীক্ষা-নিৰীক্ষা চলাই আছোঁ। সেই পৰীক্ষাবোৰ সম্পন্ন হ’বলৈ সময় লাগিব। ৰিপৰ্টবোৰ অহাৰ পিছত আমি সেইবোৰ মূল্যায়ন কৰিম। তাৰ পিছত আমি অংশীদাৰ (Stakeholders) আৰু গাড়ী নিৰ্মাতাসকলৰ সৈতে এই ফলাফলসমূহ আলোচনা কৰিম। মই নিজেও গাড়ী তৈয়াৰ নকৰোঁ আৰু ইন্ধনো উৎপাদন নকৰোঁ। গাড়ী নিৰ্মাতাসকল E20-ক লৈ সন্তুষ্ট। তেওঁলোকৰ প্ৰত্যেকৰে এই সন্দৰ্ভত একোটা বিবৃতি আছে। গ্ৰাহকসকলেও পছন্দ কৰিছে। আমি E85 (৮৫% ইথানল আৰু ১৫% পেট্ৰ’লৰ মিশ্ৰণ)ৰ আৰম্ভণিহে কৰিছোঁ, আৰু এই কামত কিছু সময় লাগিব কাৰণ নতুন পেট্ৰ’ল পাম্প আৰু ইয়াৰ সৈতে জড়িত আন্তঃগাঁথনি স্থাপন কৰাৰ প্ৰয়োজন আছে…”

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...