আজিৰ সময়ত মানুহৰ খাদ্যাভ্যাসত দ্ৰুতগতিত পৰিৱৰ্তন আহিছে। পূৰ্বে য’ত পৰম্পৰাগত আৰু সতেজ খাদ্য সাধাৰণ আছিল, তাত এতিয়া প্ৰচেছড আৰু পেকেজিং কৰা খাদ্যৰ ব্যৱহাৰ বৃদ্ধি পাইছে। এইসমূহ সুস্বাদু হ’লেও, ইয়াত প্ৰয়োজনীয় পুষ্টিকৰ উপাদানৰ অভাৱ হয় আৰু নিমখ, চেনি আৰু অস্বাস্থ্যকৰ চৰ্বিৰ পৰিমাণ অধিক হয়। ইয়াৰ ফলত মেদবহুলতাৰ সমস্যা, ডায়েবেটিছ, ৰক্তচাপ আৰু হৃদৰোগৰ দৰে জীৱনশৈলীৰ সৈতে জড়িত ৰোগৰ আশংকা বৃদ্ধি পাইছে।
ভাৰতীয় পৰম্পৰাগত খাদ্যত দালি, ভাত, ৰুটি আৰু বতৰৰ শাক-পাচলি অন্তৰ্ভুক্ত আছিল। কিন্তু নগৰীকৰণ, ব্যস্ত জীৱনশৈলী আৰু পশ্চিমীয়া খাদ্যৰ অভ্যাসৰ কাৰণে মানুহে এতিয়া জাংক ফুড, প্ৰচেছড স্নেকচ আৰু মিঠা পানীয়ৰ দিশে আকৰ্ষিত হৈছে। ইয়াৰ ফলত খাদ্যত কাৰ্ব’হাইড্ৰেটৰ পৰিমাণ বৃদ্ধি পাইছে, আনহাতে প্ৰ’টিন, ফাইবাৰ আৰু ভিটামিনৰ অভাৱ হৈছে। সময়ৰ অভাৱ আৰু সুবিধাৰ বাবে মানুহে সতেজ আৰু সন্তুলিত খাদ্যৰ স্থানত ৰেডি-টু-ইট ফুডৰ প্ৰতি আকৰ্ষিত হৈছে। এই পৰিৱৰ্তন বিশেষকৈ নগৰীয়া অঞ্চলত দেখা দিছে। পৰম্পৰাগত আৰু সতেজ খাদ্যৰ স্থানত এতিয়া প্ৰচেছড আৰু পেকেজিং কৰা খাদ্যৰ ব্যৱহাৰ বৃদ্ধি পাইছে, যাৰ ফলত শৰীৰত পুষ্টিকৰ উপাদানৰ অভাৱ হৈছে আৰু স্বাস্থ্যৰ দিশত শংকা বৃদ্ধি পাইছে।
শেহতীয়া ICMR-INDIAB গৱেষণা অনুসৰি, ভাৰতীয় খাদ্যত বেছিভাগ কেল’ৰী কাৰ্ব’হাইড্ৰেটৰ পৰা পোৱা যায়, যেনে- ভাত আৰু ৰিফাইণ্ড গম। আনহাতে, প্ৰ’টিনৰ পৰিমাণ অতি কম। গৱেষণাই আৰু জনাইছে যে, দেশৰ ২১খন ৰাজ্য আৰু কেন্দ্ৰশাসিত প্ৰদেশত চেনিৰ ব্যৱহাৰ ৰাষ্ট্ৰীয় স্বাস্থ্য নিৰ্দেশিকাৰ তুলনাত অধিক। এই অসন্তুলিত খাদ্য ডায়েবেটিছ আৰু মেদবহুলতা বৃদ্ধিৰ মূল কাৰণ হৈ পৰিছে।
পৰম্পৰাগত আৰু সন্তুলিত খাদ্যৰ স্থানত এতিয়া মানুহে জাংক ফুড, অধিক তেল, নিমখ আৰু চেনিৰ প্ৰচেছড ফুডৰ ব্যৱহাৰ বৃদ্ধি কৰিছে। এই খাদ্যত প্ৰয়োজনীয় পুষ্টিকৰ উপাদানৰ অভাৱ হয়, যাৰ ফলত শৰীৰৰ মেটাব’লিক প্ৰক্ৰিয়া দুৰ্বল হৈ যায়। ইয়াৰ ফলত তেজত চেনি আৰু ক’লেষ্টেৰ’লৰ স্তৰ অসন্তুলিত হৈ যায়, যিয়ে ডায়েবেটিছ, মেদবহুলতা, উচ্চ ৰক্তচাপ, থাইৰ’ইড আৰু হৃদৰোগৰ দৰে ৰোগৰ আংশকা বৃদ্ধি কৰে। লগতে, প্ৰ’টিন আৰু ফাইবাৰৰ অভাৱে শৰীৰৰ চেনি আৰু ওজন নিয়ন্ত্ৰণ কৰাত অক্ষম কৰি তুলে। এনে ক্ষেত্ৰত কাৰ্ব’হাইড্ৰেটৰ স্থানত প্ৰ’টিন আৰু পুষ্টিকৰ উপাদানৰে সমৃদ্ধ খাদ্য গ্ৰহণ কৰিলে আৰু জীৱনশৈলীত সলনি কৰিলে এই ৰোগসমূহৰ আশংকা হ্ৰাস কৰিব পাৰি। যেনে – প্ৰ’টিন, ফাইবাৰ আৰু প্ৰয়োজনীয় পুষ্টিকৰ উপাদানৰে সমৃদ্ধ খাদ্য গ্ৰহণ কৰা, চেনি, নিমখ আৰু জাংক ফুডৰ ব্যৱহাৰ সীমিত কৰা, প্ৰতিদিন কমেও ৩০ মিনিট ব্যায়াম কৰা, যথেষ্ট পানী পান কৰক আৰু হাইড্ৰেটেড থকা, স্বাস্থ্যকৰ খাদ্য যেনে ফল-মূল, বাদাম আৰু দৈ গ্ৰহণ কৰা, ঘৰত তৈয়াৰ কৰা সতেজ খাদ্যক অগ্ৰাধিকাৰ দিয়া, নিশা ৭ৰ পৰা ৮ ঘণ্টাৰ নিদ্ৰা, পেকেজিং কৰা খাদ্য ক্ৰয় কৰাৰ সময়ত লেবেল পঢ়ক আৰু স্বাস্থ্যকৰ বিকল্প বাছি লওক।
