কাইলৈৰ পৰা আৰম্ভ হ’ব হাইস্কুল শিক্ষান্ত পৰীক্ষা। প্ৰথম দিনটোত ইংৰাজী বিষয়েৰে আৰম্ভ হ’ব পৰীক্ষা। ১৫ ফেব্ৰুৱাৰীৰ পৰা ৩ মাৰ্চলৈকে অনুষ্ঠিত হ’ব হাইস্কুল শিক্ষান্ত পৰীক্ষা । পৰীক্ষাৰ বাবে সম্পূৰ্ণকৈ সাজু কৰি তোলা হৈছে পৰীক্ষা কেন্দ্ৰসমূহ। পৰীক্ষাকেন্দ্ৰৰ ১০০ মিটাৰ দূৰত্বলৈকে প্ৰৱেশ নিষিদ্ধ সাধাৰণ লোকৰ। ভাৰতীয় নাগৰিক সুৰক্ষা সংহিতাৰ ১৬৩ নং নিৰ্দেশনা বাহাল থাকিব। এইবাৰ পৰীক্ষাত অৱতীৰ্ণ হ’ব ৪ লাখ ২৯ হাজাৰ ৪৪৮ গৰাকী পৰীক্ষাৰ্থীয়ে। ছাত্ৰৰ সংখ্যা১ লাখ ৯০ হাজাৰ ৬৫৩ গৰাকী। ছাত্ৰীৰ সংখ্যা ২ লাখ ৩৮ হাজাৰ ৭৯৫ গৰাকী।
