গুৱাহাটীৰ শান্তিপুৰৰ ৰাহুল ৰয়ে নিজৰ প্ৰিয় ক্ৰিকেটাৰজনৰ সৈতে ছেলফি লোৱাৰ বাবে ২৩,৪০০ টকা খৰচ কৰিলে। যুৱকজনে ২ অক্টোবৰত দক্ষিণ আফ্ৰিকাৰ বিৰুদ্ধে অনুষ্ঠিত হোৱা ২য় টি-২০ মেচত অংশ লোৱাৰ বাবে ২৯ ছেপ্টেম্বৰত ভাৰতীয় ক্ৰিকেট দল গুৱাহাটীত অৱতৰণ কৰাৰ পিছত ৰয়ে প্ৰথমে বৰঝাৰৰ লোকপ্ৰিয় গোপীনাথ বৰদলৈ বিমানবন্দৰলৈ কোহলীক সাক্ষাৎ কৰিবলৈ গৈছিল নিৰাপত্তাৰক্ষীয়ে তেওঁৰ পৰিকল্পনা বিফল কৰিলে।
মই এয়াৰপৰ্টত আছিলো, মই তেওঁক ওলাই অহা দেখিছিলো আৰু বাছৰ কাষ চাপিছিলো। কিন্তু নিৰাপত্তাৰক্ষীয়ে মোক ওচৰ চাপিবলৈ বা লগ কৰিবলৈ নিদিলে- যুৱকজনে কয়। ইয়াৰ পিছতে ভাৰত আৰু দক্ষিণ আফ্ৰিকা দুয়োটা দল থকা হোটেলখনত ৰয়ে ২৩,৪০০ টকাত এটা কোঠা বুকিং কৰে। কোহলীক লগ পোৱাৰ লগতে নিজৰ প্ৰিয় ক্ৰিকেটাৰৰ সৈতে চেলফি ক্লিক কৰাৰ সুযোগ পাই হোটেলখনত তেওঁৰ এই ইচ্ছা পূৰণ হ’ল।
“দুয়োটা দল থকা হোটেলখনত খালী কোঠা এটা পোৱাতো মোৰ বাবে সৌভাগ্যৰ কথা আছিল। পিছদিনা ৰাতিপুৱা ব্ৰেকফাষ্টৰ সময়ত কোহলীক বহুবাৰ মাতিলো। এটা সময়ত তেওঁ মোক লক্ষ্য কৰি ব্ৰেকফাষ্ট এৰিয়াৰ বাহিৰত লগ কৰিবলৈ ক’লে। আৰু মোৰ সপোন বাস্তৱ হ’ল -ৰয়ে কয়।
