ভেদাইলতা এবিধ ঔষধি গুণবিশিষ্ট বনশাক। ভেদাইলতাৰ এটা অকটা গোন্ধ আছে। ভেদাইলতা ঘৰৰ-বাৰীখনৰ জেকা আৰু হাবিতলীয়া ঠাইত গজে। ভেদাইলতা আমি খাদ্য সামগ্ৰীহিচাপে ব্যৱহাৰ কৰো। ভেদাইলতাৰ আছে বহুতো উপকাৰিতা। ভেদাইলতাৰ উপকাৰিতাৰ বিষয়ে জানো আহক।
- ডায়েৰিয়া ৰোগত ভেদাইলতা উপকাৰী। পেটৰ বিভিন্ন প্ৰকাৰৰ ৰোগ, অৰুচি, গ্ৰহণী আদিত ভেদাইলতাৰ তৰকাৰী খালে সুফল পোৱা যায়।
- বাতবিষত আক্ৰান্ত হ’লে ভেদাইলতা ৰস খালে আৰোগ্য হয়।
- অৰ্শৰোগত ভেদাইলতাৰ শিপাৰ ৰস খাব লাগে।
- ভেদাইলতা শক্তিবৰ্ধক। পাত আৰু শিপাৰ ৰস নিয়মীয়াকৈ খাব লাগে।
- দাঁতৰ বিষ হ’লে ভেদাইলতাৰ গুটি খাব লাগে।
- ভেদাইলতাৰ ৰস খালে স্নায়ুৰোগত সুফল পোৱা যায়।
- ভৰি-হাতৰ হাড় ভাগিলে বা মোচোকা খালে ভেদাইলতা পিচি তাৰ ৰসৰ প্ৰলেপ দিলে বিষ কমে।
- ভেদাইলতাৰ ৰসে হজম শক্তি বঢ়ায়।
- ছালৰ ৰোগত ভেদাইলতাৰ ৰসৰ প্ৰলেপ দিলে সুফল পোৱা যায়।
- প্ৰসূতিসকলৰ প্ৰসৱৰ আগে-পিছে ভেদাইলতাৰ চাটনি কৰি খুৱাব লাগে।
- গা আৰু বুকুৰ বিষত ভেদাইলতা উপকাৰী।