দ্ৰুতবেগী ট্ৰেক্টৰ আৰু ই-ৰিক্সাৰ মাজত মুখামুখি সংঘৰ্ষ। দুৰ্ঘটনাত গুৰুতৰভাবে আহত হৈছে ৪জন লোক। পূব গোৱালপাৰাৰ শিমলীতোলা পালপাৰাত পথ দুৰ্ঘটনা সংঘটিত হৈছে। ট্ৰেক্টৰ আৰু ই ৰিক্সাৰ মুখামুখি সংঘৰ্ষত পুৰুষ-মহিলাসহ গুৰুতৰভাবে আহত হয় ৪জন লোক৷ শিমলীতোলা-গোৱালপাৰা পথত সংঘটিত হয় এই দুৰ্ঘটনা। নম্বৰবিহীন দ্ৰুতবেগী ট্ৰেক্টৰখনে মহতিয়ালে যাত্ৰীবাহী ই-ৰিক্সাক। দুৰ্ঘটনাটোত আহত হয় ই-ৰিক্সাত থকা দীপক দাস, মনিন্দ্ৰ দাস, সুফলা দাস আৰু পদুমী দাস৷ আহত আটাইকেইজনৰ ঘৰ নগৰবেৰাৰ লক্ষণপুৰ আৰু চেনীমাৰাত৷ আহত লোক কেইজনক সংকটজনক অৱস্থাত শিমলীতোলা কে এন মেধি ৰাজ্যিক চিকিৎসালয়ত ভৰ্তি কৰা হয়৷ ঘটনাস্থলীত শিমলীতোল আৰক্ষী উপস্থিত হৈ ঘটনাৰ বুজ লোৱাৰ লগতে জব্দ কৰে দুৰ্ঘটনাগ্ৰস্ত ট্ৰেক্টৰ আৰু ই-ৰিক্সাখন৷
