অৰুণাচল প্ৰদেশত হিমস্খলনত আবদ্ধ ৭ জোৱানৰ মৃত্যু ঘটিছে। অৰুণাচলৰ কামেঙত ৬ ফেব্ৰুৱাৰীৰ পৰা সন্ধানহীন হৈ পৰিছিল তহলদাৰী দলটো। দেওবাৰে সন্ধানহীন হোৱাৰ পিছৰে পৰা অব্যাহত ৰখা হৈছিল উদ্ধাৰ অভিযান।
সেনাই জাৰি কৰা বিবৃতি মতে দেওবাৰৰ পৰাই সন্ধানহীন হৈ আছিল সেনা কেইজন। অঞ্চলটোত কেইবাদিনো ধৰি প্ৰচণ্ড তুষাৰপাতৰ লগতে বেয়া বতৰে বিঘিনি ঘটাইছিল সেনাৰ তহলত। খবৰ অহাৰ লগে লগে সতীৰ্থক বিচাৰি বৰফৰ মাজত কষ্টকৰ অভি্যান চলাইছিল সেনাৰ দলে। সেনা জোৱানসকলক সুৰক্ষিতভাৱে উদ্ধাৰ কৰাৰ বাবে আপ্ৰাণ চেষ্টা চলাইছিল যদিও ভাৰতীয় সেনাই জীৱন্তে উদ্ধাৰ কৰিব নোৱাৰিলে জোৱানকেইজনক। উদ্ধাৰ অভিযানত সহায় কৰিবলৈ বিশেষ দলবোৰক বিমানেৰে লৈ যোৱা হৈছিল ঘটনাস্থলীলৈ।
