গণৰাজ্য দিৱসৰ পেৰেডৰ বাবে অসমৰ প্ৰতীকপট প্ৰেৰণ কৰিবলৈ কেন্দ্ৰীয় প্ৰতিৰক্ষা মন্ত্ৰালয়ে প্ৰেৰণ কৰিছে পত্ৰ। ‘আজাদী কা অমৃত মহোৎসৱ’ক লৈ সাজু হ’বলৈ নিৰ্দেশ দিছে অসম চৰকাৰক। এই সন্দৰ্ভত ৫ নৱেম্বৰত দিল্লীত অনুষ্ঠিত হোৱা বৈঠকত অসমৰ প্ৰতীকপট সম্বন্ধে লোৱা সিদ্ধান্তৰ কিছু সালসলনি কৰিবলৈ উপদেশ দিছে কেন্দ্ৰীয় চৰকাৰে। ৪২ৰ গণ আন্দোলনৰ সময়ত গহপুৰ থানাত কেনেদৰে কনকলতাই ত্ৰিৰংগা পতাকা উত্তোলন কৰিছিল, এই বিষয়ক লৈ এইবাৰৰ প্ৰতীকপট সাজু কৰিছে ৰাজ্য চৰকাৰে। অৱশ্যে থিম মডেল চিলেকচন অনুসৰি অসম চৰকাৰলৈ এতিয়ালৈকে অহা নাই নিমন্ত্ৰণ। প্ৰতিৰক্ষা মন্ত্ৰণালয়ৰ নিৰ্বাচনৰ বাবে এতিয়া অপেক্ষা কৰিছে ৰাজ্য চৰকাৰে।
