এতিয়াৰে পৰা দুষ্ট চক্ৰই ধন হৰলুকি কৰিলে চিন্তা নাই! মাত্ৰ ২৪ ঘণ্টাৰ ভিতৰত ঘূৰাই পাব হেৰুওৱা ধন। ৰাজ্যবাসীৰ বাবে সুখবৰ আনিছে চৰকাৰ আৰু আৰক্ষীয়ে। এতিয়াৰে পৰা মাত্ৰ এটা ফোনকলতে ঘূৰাই পাব ধন। স্বয়ং ৰাজ্যৰ মুখ্যমন্ত্ৰী হিমন্ত বিশ্ব শৰ্মাই দিছে এই আশ্বাস। নিজৰ বেংক একাউণ্টৰ পৰা ধন নোহোৱা হ’লে ফোন কৰক অসম আৰক্ষীক। যিকোনো সময়তে 155260 নম্বৰত ফোন কৰিব পাৰিব। ২৪ ঘণ্টাই উপলব্ধ হ’ব এই টোল ফ্ৰী নম্বৰ।
WhatsApp যোগেও এই সন্দৰ্ভত দিব পাৰিব অভিযোগ। ইযাৰ বাবে 9132699735 নম্বৰত WhatsApp কৰিব লাগিব। বিজ্ঞাপন সহকাৰে অসম চৰকাৰ, অসম আৰক্ষীয়ে মুকলি কৰিছে এই বিশেষ নম্বৰ। কষ্টোপাৰ্জিত সাঁচতীয়া ধন হৰলুকি হলে আৰক্ষী আপোনাৰ কাষত ঠিয় হব।
