মৃত্যু… কোনেও শুনিব নোখোজা এক শব্দ। জীৱনটোকলৈ সকলোৰে মোহ থাকে। কেৱল মানুহেই নহয়, প্ৰতিটো জীৱৰে জীৱনৰ প্ৰতি ভাবিব নোৱাৰা দূৰ্বলতা থাকে। কিন্তু, উদ্বেগজনকভাৱে সমগ্ৰ বিশ্বতে বৃদ্ধি পাইছে আগতীয়াকৈ মৃত্যু বিচৰা লোকৰ সংখ্যা। যাৰ বাবে মৃত্যুও বৰ্তমান হৈ পৰিছে ব্যৱসায়ৰ এক সমল।
হয়, ঠিকেই শুনিছে। চুইজাৰলেণ্ডত তৈয়াৰ কৰা হৈছে এনে এটা যন্ত্ৰ। কেৱল নিৰ্মাণেই নহয় আইনী স্বীকৃতিও লাভ কৰিছে ‘চাৰ্কো’ নামৰ সেই বিশেষ যন্ত্ৰটোৱে। ক’ফিন আকৃতিৰ যন্ত্ৰটোৱে কৃত্ৰিমভাৱে এক মিনিটতকৈও কম সময়ৰ ভিতৰত অক্সিজেন আৰু কাৰ্বন-ডাই-অক্সাইডৰ পৰিমাণ হ্ৰাস কৰি মৃত্যুমুখত পেলাব পাৰে।
স্বেচ্ছাসেৱী সংগঠন Exit Internationalয়ে তৈয়াৰ কৰি উলিয়াইছে এই যন্ত্রটি। ‘ডক্টৰ ডেথ’ হিচাপে পৰিচিত Exit Internationalৰ সঞ্চালক ফিলিপ নিটছে এই ডিভাইচটো তৈয়াৰ কৰি উলিয়াইছে। এই বিশেষ যন্ত্ৰটোৰ চালনা প্ৰক্ৰিয়াটোৱে আচৰিত কৰি তুলিব আপোনাক। সাধাৰণতে আসন্ন মৃত্যুত সময় কটোৱা লোকসকল মৃত্যুৰ পূৰ্বে অচেতন হৈ পৰে। বেছিভাগৰে পেশীশক্তি ব্যৱহাৰ কৰাৰো সামৰ্থ নাথাকে। Exit Internationalয়ে দাবী কৰা অনুসৰি যে এই যন্ত্রটোত এই সমস্যাৰ সমাধান কৰা হৈছে। এক্সিট ইণ্টাৰনেচনেলে দাবী কৰে যে, এই ডিভাইচটোৱে কেৱল চকুৰ পতা লৰচৰ কৰিহে সংকেত প্ৰাপ্ত কৰিব পাৰে।
Exit Internationalয়ে জনোৱা অনুসৰি এই যন্ত্ৰটো কঢ়িয়াই ফুৰিবলৈও অতি সহজ। জীৱনৰ প্ৰতি মোহ ভংগ হোৱা লোকসকলে মৃত্যুৰ বাবে এটি বিশেষ স্থান নিৰ্বাচন কৰি যন্ত্ৰটোৰ ভিতৰত সোমাই চকুৰ পটা লৰচৰ কৰি দিলেই মৃত্যু ঘটিব লোকজনৰ।
বিশেষকৈ, চুইজাৰলেণ্ডত আত্মহত্যাক সমৰ্থন প্ৰদান কৰাটো আইনী। বিগত বৰ্ষত কমেও ১৩০০জন লোকে এই প্ৰক্ৰিয়াটোৰ সহায় লৈছিল।
