ইটোৰ পাছত সিটোকৈ দুৰ্ঘটনাই দেশ জোকাৰি যোৱাৰ সময়তে আন এক দুৰ্ঘটনাই দেশ জোকাৰি গৈছে। এইবাৰ সংঘটিত হৈছে এক ভয়ংকৰ বাছ দুৰ্ঘটনা। এই দুৰ্ঘটনাতো সংঘটিত হৈছে জম্মু কাশ্মীৰত। জম্মু কাশ্মীৰৰ ডোডাত চেনাব নদীত পৰিল এখন যাত্ৰীবাহী বাছ। এই মৰ্মান্তিক দুৰ্ঘটনাতোৰ ফলত ৩৬জন লোক নিহত হোৱাৰ লগতে আহত হৈছে প্ৰায় ১৯জন লোক। ইয়াৰে কেইবাজনো যাত্ৰীৰ অৱস্থা সংকটজনক। এই দুৰ্ঘটনাৰ পাছতে অঞ্চলটোত এক উত্তেজনাময় পৰিস্থিতিৰ সৃষ্টি হয়। ঘটনাস্থলীত আৰক্ষীৰ দল উপস্থিত হৈ তদন্ত আৰম্ভ কৰাৰ লগতে আহতসকলক ততাতৈয়াকৈ হাস্পতাললৈ প্ৰেৰণ কৰে।
