জাতিগত প্ৰমাণ পত্ৰৰ স্থায়ী সমাধানৰ ব্যৱস্থাৰ দাবীৰে আলোচনা চক্ৰৰ আয়োজন কৰা হৈছে। ১৯ ডিচেম্বৰত যোৰহাট জিলাৰ মেলামাটিৰ ডফলাটিং চাহ বাগিছাত অনুষ্ঠিত হ’ব অসম চাহ জনগোষ্ঠী জলহা যুৱ ছাত্ৰ পৰিষদ আৰু চাহ শ্ৰমিক আৰু প্ৰাক্তন চাহ শ্ৰমিক জলহা জাতি সন্মিলনী অসমৰ যৌথ উদ্যোগত ৰাজ্যিক ভিত্তিত আলোচনা সভা। আলোচনাৰ মূল বিষয়বস্তু হ’ব জাতিগত প্ৰমাণ পত্ৰৰ স্থায়ী সমাধানৰ ব্যৱস্থা। এই আলোচনালৈ ৰাজ্যৰ ভিন্ন প্ৰান্তৰ জলহা সম্প্ৰদায়ৰ লোকসকলক আমন্ত্ৰণ জনাইছে অসম চাহ জনগোষ্ঠী জলহা যুৱ ছাত্ৰ পৰিষদৰ কেন্দ্ৰীয় সমিতিয়ে। আলোচনা চক্ৰত সকলোকে উপস্থিত থকাৰ আহ্বান উপ-সভাপতি আজিজুল হুছেইনৰ।
