আজি জুবিন গাৰ্গৰ ওপজা দিন। ৫৩ বছৰত ভৰি দিলে হাৰ্টথ্ৰ’ব জুবিন গাৰ্গে। নিশা কেক কাটি জন্মদিন উদযাপন কৰিলে জুবিন গাৰ্গে। জোনালীস্থিত ষ্টুডিঅ’ত নিশাই ভিৰ কৰিলেহি শিল্পীজনৰ অজস্ৰ অনুৰাগীয়ে। হাতে হাতে কেক লৈ আহিল অনুৰাগীসকল। জুবিন গাৰ্গে কাটিলে অনুৰাগীয়ে অনা কেক। জুবিন গাৰ্গে কেক কটাৰ পাছতেই আনন্দত আত্মহাৰা হৈ পৰে অনুৰাগী। সকলোকে ধন্যবাদ জ্ঞাপন কৰে জুবিন গাৰ্গে।
কেক কটাৰ পিছতেই সাংবাদিকৰ সন্মুখত জুবিন গাৰ্গৰ মন্তব্য, ‘জন্মদিন উপলক্ষে বিশেষ কাৰ্যসূচী নাই। মই সদায় সামাজিক কামতে ব্যস্ত থাকো। বিশেষ দিনটোতো সামাজিক কামতে ব্যস্ত থাকিম।’ জন্মদিনত ৰৈ ৰৈ বিনালে ছবিখনৰ আনুষ্ঠানিক ঘোষণা কৰিব জুবিনে।
