শুকুৰবাৰে অস্কাৰৰ পৰা বঞ্চিত কৰা হ’ল উইল স্মিথক। পৰৱৰ্তী ১০ বছৰৰ বাবে অস্কাৰ প্ৰদান অনুষ্ঠানত উপস্থিত থাকিব নোৱাৰিব অভিনেতাজন। উইল স্মিথে কৌতুক অভিনেতা ক্ৰিছ ৰকক অস্কাৰ বটাঁ প্ৰদান অনুষ্ঠানতে চৰ শোধাই বিশ্ববাসীক হতবাক কৰিছিল। উইল স্মিথক পৰৱৰ্তী দশকত একাডেমী অফ মোচন পিকচাৰ আৰ্টছ এণ্ড চাইন্সেছৰ দ্বাৰা অনুষ্ঠিত কোনো অনুষ্ঠানত উপস্থিত থাকিবলৈ অনুমতি দিয়া হোৱা নাই।
অস্কাৰৰ পোনপতিয়া সম্প্ৰচাৰৰ সময়ত স্মিথৰ কাৰ্যকলাপে সকলোকে হতবাক কৰি তুলিছিল। একাডেমীৰ সভাপতি ডেভিড ৰুবিন আৰু মূখ্য কাৰ্যবাহী বিষয়া সকলে উল্লেখ কৰা অনুসৰি ৮এপ্ৰিল ২০২২ৰ পৰা ১০বছৰৰ বাবে উইল স্মিথক কোনো একডেমী অনুষ্ঠান বা কায্যসূচীত উপস্থিত থাকিবলৈ অনুমতি দিয়া হোৱা নাই। হলিউডৰ আগশাৰীৰ উদ্যোগ সংস্থাৰ শীৰ্ষ বিষয়াসকলৰ বৈঠকত স্মিথক বহিষ্কাৰৰ বাবে সাজু কৰোৱা হৈছিল আৰু তেওঁ তেতিয়াই দলটোৰ পৰা প্ৰাথমিকভাৱে পদত্যাগ কৰিছিল।
লগতে একাডেমীৰ পত্ৰখনত কোৱা হৈছে যে, “৯৪ তম অস্কাৰ বহুতো ব্যক্তিৰ বাবে উৎসৱ আছিল যিসকলে যোৱা বছৰ অবিশ্বাস্য কাম কৰিছিল। অৱশ্যে, উইল স্মিথে মঞ্চত প্ৰদৰ্শন কৰা সেই কায্যসূচী অগ্ৰহণযোগ্য আৰু ক্ষতিকাৰক আচৰণ হৈ পৰিছে।” লগতে এই পত্ৰখনত উল্লেখ কৰা হৈছে য়ে, “উইল স্মিথৰ আচৰণৰ প্ৰতিক্ৰিয়া কৰি আমি আজি গ্ৰহণ কৰা এই পদক্ষেপটো হৈছে আমাৰ দৰ্শক আৰু অতিথিসকলৰ সুৰক্ষা সুৰক্ষিত কৰা আৰু একাডেমীৰ ওপৰত বিশ্বাস পুনৰুদ্ধাৰ কৰাৰ এক পদক্ষেপ।
