ৰাজ্যত অব্যাহত আছে হাতী-মানুহৰ সংঘাত। ক’ৰবাত যদি হাতীয়ে মানুহক আক্ৰমণ কৰিছে আন কৰ’বাত আকৌ মানুহে আক্ৰমণ কৰিছে হাতীক। তাৰ মাজতে তামুলপৰৰ ভূটান-সীমান্তৰ বগাজুলীত সংঘটিত হৈছে এক মৰ্মান্তিক ঘটনা। বন্যহস্তীৰ আক্ৰমণত কৰণ মৃত্যু এগৰাকী ছাত্ৰীৰ। নিহত ছাত্ৰীগৰাকীৰ নাম মনিকা বড়ো। মৃত মনিকা বড়ো নৱম শ্ৰেণীৰ ছাত্ৰী আছিল। আক্ৰমণৰ পৰা কথমপি প্ৰাণৰক্ষা মাতৃ-পুত্ৰৰ।
নিশা শুই থকা অৱস্থাতেই সংঘটিত হয় সেই মৰ্মান্তিক ঘটনা। বন্যহস্তীৰ জাকে পৰিয়ালটোৰ ঘৰ-দুৱাৰ ভাঙি লণ্ড-ভণ্ড কৰে। তাৰ মাজতেই পলাবলৈ চেষ্টা কৰে ছাত্ৰীগৰাকীয়ে। তেনেতেই ঘটি যায় সেই মৰ্মান্তিক ঘটনাতো। বন্যহস্তীৰ আক্ৰমণত নিহত হয় ছাত্ৰীগৰাকী। আনফালে হাতীৰ জাকটোৱে ভাঙি লণ্ড-ভণ্ড কৰে কেইবাটাও পৰিয়ালৰ বাসগৃহ।
