তালিবানৰ সমৰ্থনত ফেচবুকত পোষ্ট দি বাক্সাৰ শালবাৰীত গ্ৰেপ্তাৰ এজন। গ্ৰেপ্তাৰ ৰফিকুল ইছলাম নামৰ ৱেব পৰ্টেলৰ ‘তথাকথিত’ সাংবাদিকজন। তিনিটাকৈ ৱেব পৰ্টেলত কৰ্মৰত ধৃত ৰফিকুল ইছলাম। এখন ব্যক্তিগত শিক্ষানুষ্ঠানত শিক্ষকতাও কৰে ৰফিকুল ইছলামে। গোৱৰ্ধনা থানাত 168/21 নম্বৰত গোচৰ ৰুজু কৰি 66 IT Actৰ অধীনত 120B/153A/A1A/153B(1A/1C)/298/505(1B/1C)/505(2)/39(1B) ধাৰাত গ্ৰেপ্তাৰ ৰফিকুলক৷
ইয়াৰ পূৰ্বেও এনেধৰণৰ সমসাময়িক বিতৰ্কিত মন্তব্য ছ’চিয়েল মিডিয়াত দিয়াৰ তথ্য লাভ কৰিছে বাক্সা আৰক্ষীয়ে ৷ অৱশ্যে যুৱক গৰাকীয়ে দিয়া বিতৰ্কিত মন্তব্য সন্দৰ্ভত তদন্তৰ খাতিৰত সদৰি কৰা নাই আৰক্ষীয়ে। শান্তি-সম্প্ৰীতি অটুট থকা বাক্সা জিলাত অশান্তি বিয়পাব বিচৰা যিকোনো লোককে বাক্সা আৰক্ষীয়ে গ্ৰেপ্তাৰ কৰিব বুলি মন্তব্য কৰে আৰক্ষী বিষয়া গৰাকীয়ে।
