চাঞ্চল্যকৰ ঘটনাই জোকাৰিছে যোৰহাট। একাংশ উদণ্ড যুৱকৰ দলবদ্ধ আক্ৰমণত প্ৰাণ হেৰুৱালে এজন যুৱকে। যোৰহাটৰ চন্দন নগৰত দেওবাৰে নিশা সংঘটিত হৈছিল আক্ৰমণৰ ঘটনা। বিহু চাই উভতি অহাৰ পৰতে একাংশ যুৱকে আক্ৰমণ কৰিছিল বেদাংগ ভূষণ বৰুৱা নামৰ যুৱকজন। এদল যুৱকে চোকা অস্ত্ৰৰে আক্ৰমণ কৰি পেলাই থৈ গৈছিল বেদাংগক। আক্ৰমণকাৰী দলটোৰ নেতৃত্বত আছিল জনৈক ৰিজু নামৰ যুৱকজন। পৰৱৰ্তী সময়ত যুৱকজনক মিছন হাস্পতালত ভৰ্তি কৰোৱা হৈছিল। কিন্তু আজি পুৱা মৃত্যু হয় বেদাংগ ভূষণ বৰুৱাৰ। ঘটনা সন্দৰ্ভত ইতিমধ্যে গোচৰ ৰুজু কৰিছে আত্মীয়ই। দুটা পক্ষৰ কাজিয়া ভাঙিবলৈ গৈছিল মৃত্যু হোৱা যুৱকজনে ।
