অপৰাধীৰ ৰম্যভূমিলৈ যেন পৰিণত হৈছে উত্তৰ-পূবৰ দুৱাৰমুখস্বৰূপ গুৱাহাটী মহানগৰী। দৈনিক সংবাদ শিৰোনাম দখল কৰিছে ইটোৰ পিছত সিটো অপৰাধজনিত ঘটনাই। তাৰ মাজতে এইবাৰ গুৱাহাটীত সংঘটিত আন এক আচৰিত ঘটনা। চুৰি কৰিবলৈ মহিলাৰ পৰিধান কৰিলে চোৰে। লক্ষ্মী পূজাৰ নিশা মহানগৰীত সংঘটিত হৈছে এই চুৰিৰ ঘটনা। সমগ্ৰ চুৰিকাণ্ডৰ দৃশ্য বন্দী হয় CCTVত। এই ঘটনা সংঘটিত হৈছে মহানগৰীৰ বশিষ্ঠত। উল্লেখ্য যে অঞ্চলটোত একাংশ চোৰে এইদৰে প্ৰায়ে সংঘটিত কৰি আহিছে চুৰিকাণ্ড। নিশা বশিষ্ঠৰ স্বৰ্গপুৰৰ দ্বীপ কলিতা নামৰ লোকজনৰ স্কুটি চুৰি কৰি নিয়ে মহিলাৰূপী চোৰটোৱে।
