যিকোনো ধৰণৰ নিচাই শৰীৰৰ বাবে ক্ষতিকাৰক। ধূমপানৰ নিচাও আটাইতকৈ বেয়া আচৰণসমূহৰ ভিতৰত অন্যতম। ধূমপান এৰিবলৈ অতি কঠিন, ইয়াৰ বাবে অপৰিসীম ইচ্ছাশক্তি আৰু নিষ্ঠাৰ প্ৰয়োজন হয়। বহুজনে বহুবোৰ উল্লেখযোগ্য প্ৰচেষ্টা চলোৱাৰ পিছতো ধূমপান কৰাসকলৰ মাত্ৰ সামান্য শতাংশইহে নিজৰ নিচাক সফলতাৰে নিয়ন্ত্ৰণ বা পৰিহাৰ কৰিবলৈ সক্ষম হয়।
শেহতীয়াভাৱে এজন ব্যক্তিয়ে ধূমপান এৰিবলৈ চেষ্টা কৰা খবৰ সামাজিক মাধ্যমত ভাইৰেল হৈ পৰিছে কিয়নো লোকজনে ধুমপান এৰিবলৈ মুখত পিঞ্জৰাসদৃশ সামগ্ৰী লগাই লৈছিল। তুৰ্কীৰ ইব্ৰাহিম ইউচেল নামৰ লোকজনে চিগাৰেট এৰিবলৈ হেলমেট আকৃতিৰ ধাতুৰ সামগ্ৰী এটাত নিজকে পিঞ্জৰাবদ্ধ কৰি ৰাখিছিল।
চৰ্চিত খবৰ অনুসৰি ইব্ৰাহিম ইউচেলে একেৰাহে ২৬ বছৰ ধৰি ধূমপান কৰি আহিছে আৰু কেইবাবাৰো ধূমপান এৰিবলৈ চেষ্টা কৰাৰ পিছতো দিনটোত দুবাৰ চিগাৰেট সেৱনৰ দৰে বদ অভ্যাস এৰিব পৰা নাছিল। প্ৰতি বছৰে ৩ সন্তানৰ জন্মদিনত আৰু বিবাহ বাৰ্ষিকীত চিগাৰেট এৰি দিয়াৰ শপত লয় যদিও চিগাৰেট অবিহনে বেছিদিন থাকিব নোৱাৰে। ইমানেই নহয়, পিঞ্জৰাত তলা মাৰি পত্নীক চাবি দি ৰাখিছিল যাতে মন গ’লেও চিগাৰেট সেৱন কৰিব নোৱাৰে। সঁচাই বিচিত্ৰ পৃথিৱীৰ বিচিত্ৰ মানুহ।
