ৰাজ্যত ধাৰাবাহিকভাৱে বৃদ্ধি পাইছে নিত্যব্যৱহাৰ্য প্ৰতিটো সামগ্ৰীৰ লগতে জীৱনদায়িনী ঔষধ, বিদ্যুতৰ নিৰিখ আৰু পেট্ৰ’ল-ডিজেল, কেৰাচিনৰ দাম। বজাৰৰ জুইত দগ্ধ জনতাই হাহাকাৰ কৰি ফুৰিছে। ইপিনে ১৭ দিনত ১০ টকাৰো অধিক বৃদ্ধিৰ পিছত ১৩ পইচা কমিল পেট্ৰ’লৰ দাম। বৃহস্পতিবাৰে অসমত পেট্ৰ’লৰ গড় দাম ১০৬.২৬ টকা আৰু গড় হিচাপত ডিজেলৰ দাম ৯১.৯৬ টকা। ডিজেলৰ দামো প্ৰতিলিটাৰত কমিছে ১২ পইচাকৈ। কিন্তু এই ১২, ১৩ পইচাৰ কম দামে ৰাইজৰ ওপৰত কোনো প্ৰভাৱ নেপালায়। ৰাইজে প্ৰতিলিটাৰ পেট্ৰ’লৰ বাবে ১০০ টকীয়া নোটখনতকৈও অধিক দামেই দিব লাগিব। সমান্তৰালকৈ নিত্য ব্যৱহাৰ্য সামগ্ৰীৰ চৰা দামে কঙালীত পৰিণত কৰিছে এইবেলিৰ ৰঙালী বিহু। পৰিয়ালসহ বজাৰলৈ যাবলৈ ভয় গৃহস্থৰ।
