বিগত কেইবাদিনো ধৰি উত্তৰপ্ৰদেশৰ প্ৰয়াগৰাজত অব্যাহত আছে মুষলধাৰ বৰষুণ। ধাৰাসাৰ বৰষুণৰ ফলত একপ্ৰকাৰ ব্যাহত হৈ পৰিছে জিলাখনৰ জনজীৱন। কৰেলীকে ধৰি কেইবাটাও অঞ্চলত বৰষুণৰ ফলত সৃষ্টি হৈছে কৃত্ৰিম বানৰো। বহু লোকে নিজৰ ঘৰ এৰি আশ্ৰয় ল’বলগা হৈছে নিৰাপদ স্থানত।
ঠায়ে ঠায়ে ৰাজপথত নাৱৰ জৰিয়তে যাত্ৰা কৰিবলগীয়া পৰিস্থিতিৰো সৃষ্টি হৈছে। আৰক্ষী আৰু NDRFৰ লোকেও চলাইছে উদ্ধাৰ অভিযান। গংগা আৰু যমুনা নদীৰ জলস্তৰ বৃদ্ধি পোৱাত প্ৰশাসনৰ তৰফৰ পৰা জাৰি কৰা হৈছে সতৰ্কতা।
ইয়াৰ মাজতে আজিৰ দিনটোত অৰ্থাৎ ১৮ আগষ্টৰ দিনটোত জিলাখনৰ সকলো বিদ্যালয় ঘোষণা কৰিছে প্ৰশাসনে। প্ৰাক-প্ৰাথমিকৰ পৰা দ্বাদশ শ্ৰেণীলৈকে সকলো বিদ্যালয় বন্ধ ঘোষণা কৰিছে প্ৰশাসনে।
ডিজিটেল ডেস্ক | প্ৰাঞ্জলজ্যোতি গগৈ
