‘পৰিয়ালকেন্দ্ৰিক ৰাজনীতি’ : দলৰ নাম নোলোৱাকৈয়ে কংগ্ৰেছক সমালোচনা প্ৰধানমন্ত্ৰীৰ

প্ৰধানমন্ত্ৰী নৰেন্দ্ৰ মোদীয়ে আজি সংসদৰ কেন্দ্ৰীয় হলত সংবিধান দিৱস উপলক্ষে আয়োজন কৰা এক কাৰ্যসূচীত ভাষণ প্ৰদান কৰি কংগ্ৰেছ দলক ক্ষুৰধাৰ সমালোচনা কৰে। বিৰোধী দল সমূহে বৰ্জন কৰা অনুষ্ঠানটোত প্ৰধানমন্ত্ৰী মোদীয়ে কৈছিল যে, যিবোৰ দলে তেওঁলোকৰ গণতান্ত্ৰিক চৰিত্ৰ হেৰুৱাইছে তেওঁলোকে গণতন্ত্ৰক সুৰক্ষা দিব নোৱাৰে।

“যিবোৰ দলে তেওঁলোকৰ গণতান্ত্ৰিক চৰিত্ৰ হেৰুৱাইছে, তেওঁলোকে কেনেকৈ গণতন্ত্ৰ ৰক্ষা কৰিব পাৰে?গণতন্ত্ৰত বিশ্বাস কৰা লোকসকলৰ বাবে চিন্তাৰ বিষয়। পৰিয়ালৰ বাবে দল, পৰিয়ালৰ দ্বাৰা দল… এটা পৰিয়ালৰ একাধিক সদস্যই ৰাজনীতিত প্ৰৱেশ কৰিব নালাগে। কিন্তু, বৰ্তমান এটা দলে যোগ্যতা, ৰাইজৰ আশীৰ্বাদ অবিহনে এটা পৰিয়ালৰ একাধিক সদস্যই ৰাজনীতিলৈ যাব পাৰে। যেতিয়া এটা দল প্ৰজন্মৰ পাছত প্ৰজন্ম এটা পৰিয়ালৰ দ্বাৰা পৰিচালিত হয়, দলটোৰ গোটেই ব্যৱস্থাটো সেই এটা পৰিয়ালৰ সৈতে থাকে, তেতিয়া ই গণতন্ত্ৰৰ বাবে আটাইতকৈ ডাঙৰ বিপদ,” প্ৰধানমন্ত্ৰীয়ে কয়।