পৰিনীতি আৰু ৰাঘৱৰ বিয়া কেতিয়া ?

বলীউডৰ মোহময়ী অভিনেত্ৰী পৰিনীতি চোপ্ৰা আৰু ৰাঘৱক এইবাৰ একেলগে দেখা গ’ল মন্দিৰত। শেহতীয়াকৈ সামাজিক মাধ্যমত এটা ভিডিঅ’ ভাইৰেল হৈ পৰিছে, য’ত অভিনেত্ৰীগৰাকীক তেওঁৰ বয়ফ্ৰেণ্ডৰ সৈতে মন্দিৰত আশীৰ্বাদ লোৱা দেখিবলৈ পোৱা গৈছে। ভিডিঅ’টোত মন্দিৰৰ পুৰোহিতে মন্ত্ৰোচ্ছাৰণ কৰিছে আৰু ৰাঘৱ-পৰিনীতিক আশীৰ্বাদ লোৱা দেখিবলৈ পোৱা গৈছে। এই দৰ্শনকালত ৰাঘৱে ৰঙা কাপোৰ আৰু পৰিনীতিয়ে গোলপীয়া কাপোৰ পিন্ধা দেখা গৈছে। এক খবৰ অনুসৰি দুয়োৰে বিয়া ২০২৩চনৰে চেপ্তেম্বৰ মাহত বুলি জানিব পৰা গৈছে। এই বিয়াখন দুয়োৰে ঘৰৰ উপস্থিতিত ৰাজস্থানত সম্পন্ন হ’ব।