ঘৰুৱা সমৰ্থকৰ বাবে সদায়ে দায়বদ্ধ হৈ থকা ৰাজস্থান ৰয়েলছে গুৱাহাটীৰ পাঁচ গৰাকী ভাগ্যবান অনুৰাগীক দলৰ খেলুৱৈৰ লগত পৰিচয় কৰাৰ এক অভিনৱ সুযোগ দিছে৷ সেই অনুসৰি কাইলৈ বৰ্ষাপাৰাৰ এ চি এ ষ্টেডিয়ামত অনুষ্ঠিত হ’বলগা ১৯ সংখ্যক ইণ্ডিয়ান প্ৰিমিয়াৰ লীগ [আই পি এল-২০২৬] ৰ ৰাজস্থান ৰয়েলছ আৰু মুম্বাই ইণ্ডিয়ানছৰ মেচৰ টিকট ক্ৰয় কৰা দৰ্শকৰ মাজৰ পাঁচ গৰাকী ভাগ্যবান অনুৰাগীয়ে ৰিয়ান পৰাগ নেতৃত্বনাধিন দলটোৰ খেলুৱৈসকলক লগ কৰাৰ সুযোগ পাব৷ ইফালে, কাইলৈৰ মেচখন উপভোগ কৰাৰ বাবে সাধাৰণ টিকট ক্ৰয় কৰি ষ্টেডিয়ামলৈ অহা নিৰ্বাচিত ৩০ গৰাকী ভাগ্যবান অনুৰাগীয়ে এ চি এ ষ্টেডিয়ামৰ বিশেষ গেলেৰীত বহি খেল উপভোগ কৰাৰ সুযোগ পাব৷
