বৃহস্পতিবাৰৰ পৰা আৰম্ভ হ’বলগীয়া দুখনীয়া টেষ্ট শৃংখলাত ভাৰতীয় পুৰুষ ক্ৰিকেট দলে নিউজিলেণ্ডৰ সৈতে খেলিবলৈ সাজু হৈছে। কানপুৰত অনুষ্ঠিত প্ৰথম টেষ্টৰ পূৰ্বে, ভাৰতৰ এটি আগশাৰী সংবাদ মাধ্যমে টীম ইণ্ডিয়াৰ বাবে “কেটাৰিঙৰ প্ৰয়োজনীয়তা আৰু মেনু” প্ৰাপ্ত কৰিছে। মেনুত তালিকাভুক্ত খাদ্য সামগ্ৰীৰ উপৰিও, এক “গুৰুত্বপূৰ্ণ” নিৰ্দেশনা ৰখা হৈছে, য’ত উল্লেখ কৰা হৈছে যে “কোনো প্ৰকাৰৰ গো-মাংস আৰু গাহৰিৰ মাংস থাকিব নালাগে”। আন এটি নিৰ্দেশনাত উল্লেখ কৰা হৈছে যে, “সকলো মাংসৰ সামগ্ৰী হালাল হ’ব লাগিব”।
বিগত কিছু দিন ধৰি ভাৰতীয় ক্ৰিকেট দলৰ বাবে ফিটনেছ এক অত্যন্ত গুৰুত্বপূৰ্ণ চৰ্ত হৈ পৰিছে। নিউজিলেণ্ডৰ বিৰুদ্ধে টেষ্ট শৃংখলা সমাপ্ত হোৱাৰ পিছত টীম ইণ্ডিয়াই দক্ষিণ আফ্ৰিকা ভ্ৰমণ কৰিব। দক্ষিণ আফ্ৰিকাৰ বিৰুদ্ধে প্ৰথম খন টেষ্ট ১৭ ডিচেম্বৰৰ পৰা জোহান্সবাৰ্গৰ ৱাণ্ডাৰৰ্ছ ষ্টেডিয়ামত আৰম্ভ হ’ব।
