দ্ৰুতগতিত ডিজিটেল হৈ আছে দেশৰ বেংকিং ব্যৱস্থা। পূৰ্বতে আপুনি বেংকলৈ গৈ টকা উলিয়াইছিল, তাৰ পিছত এটিএম কাৰ্ডে ব্যৱহাৰ কৰি টকা উলিয়াব পাৰিছিল। কিন্তু এতিয়া দেশৰ সকলো বেংকতে নতুন ব্যৱস্থা কাৰ্যকৰী হৈছে। এতিয়া আপুনি যিকোনো বেংকতে ইউ.পি.আই. ব্যৱহাৰ কৰি ডেবিট কাৰ্ড অবিহনে দেশৰ যিকোনো এটিএমৰ পৰা উলিয়াব পাৰিব ধন।
আৰম্ভণিতে, ভাৰতীয় ষ্টেট বেঙ্ক (এছবিআই), আইচিআইচিআই বেংক, কোটাক মহিন্দ্ৰা বেংক, বেংক অফ বৰোদা (বিঅ’বি) আৰু আৰবিএল বেঙ্কে তেওঁলোকৰ গ্ৰাহকসকলক ডেবিট বা ক্ৰেডিট কাৰ্ড ব্যৱহাৰ নকৰাকৈ এটিএমৰ পৰা নগদ ধন উলিওৱাৰ সুবিধা প্ৰদান কৰিছিল। এই সুবিধাটো দৈনিক লেনদেনৰ সীমাৰ সৈতে ১০,০০০ টকাৰ পৰা ২০,০০০ টকাৰ ভিতৰত।
কাৰ্ড নোহোৱাকৈ নগদ ধন কেনেদৰে উলিয়াব পাৰি?
- এছবিআইৰ গ্ৰাহকসকলে Yono এপত লগ ইন কৰাৰ পিছত Yono Cashত ক্লিক কৰিব লাগিব।
- ATMলৈ যোৱাৰ পিছত, আপুনি এটিএমৰ পৰা উলিয়াব বিচৰা পৰিমাণটো প্ৰবিষ্ট কৰক।
- SBIয়ে তেতিয়া আপোনাৰ পঞ্জীভুক্ত ম’বাইলত এটা ইয়োনো নগদ লেনদেন নম্বৰ প্ৰেৰণ কৰিব।
- নগদ ধন উলিওৱাৰ বাবে SBIৰ যিকোনো কাৰ্ডবিহীন লেনদেনৰ ATMত এই নম্বৰ আৰু পিন ব্যৱহাৰ কৰক।
- ATMত ATMৰ প্ৰথম পৃষ্ঠাৰ কাৰ্ড লেছ বিকল্পটো বাছনি কৰক আৰু তাৰ পিছত YONO নগদ ধন আৰু বিৱৰণ প্ৰবিষ্ট কৰক।
