ফাকুৱাৰ আনন্দ উল্লাহৰ মাজতেই সংঘটিত হৈছে চাঞ্চল্যকৰ ঘটনা। স্বামীয়ে দাৰে ঘপিয়াই অতি নৃশংস ভাবে হত্যা কৰে নিজ পত্নীক। নাহৰকটীয়াৰ জয়পুৰত সংঘটিত হৈছে এই ঘটনা। জয়পুৰ থানাৰ অধীনৰ দিহিংকিনাৰ বাঙালী ব্লক গাঁৱত নিশা লোমহৰ্ষক ঘটনা। পাৰিবাৰিক অশান্তিৰ বাবে অৰুণ দাস আৰু পত্নী নমিতা দাসৰ মাজত কাজিয়াৰ সূত্ৰপাত হয়। স্বামী-পত্নীৰ দ্বন্দই চূড়ান্ত ৰূপ লোৱাত স্বামী অৰুণ দাসে এখন দাৰে পত্নী নমিতা দাসৰ মূৰত ঘপিয়াই হত্যা কৰে। পিছত জয়পুৰ আৰক্ষীয়ে হত্যাকাৰী স্বামীক আটক কৰাৰ লগতেই মৃত মহিলাগৰাকীক উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।
