ব্ৰহ্মপুত্ৰৰ বুকুত পুনৰ চলিব যন্ত্ৰচালিত নাও। গুৱাহাটী আৰু উত্তৰ গুৱাহাটীৰ মাজত চলাচলৰ বাবে ইতিমধ্যে সাজু কৰা হৈছে ১০খন ভুটভুটী নাও। প্ৰতিখন নাওতে স্থাপন কৰা হৈছে শক্তিশালী ইঞ্জিন। চালকে সুবিধা মতে নিয়ন্ত্ৰণ কৰিব পৰা এই ভুটভুটীসমূহৰ বহন ক্ষমতা অনুযায়ী যাত্ৰী উঠোৱা হ’ব।
যাত্ৰীৰ সুৰক্ষাৰ বাবে ভুটভুটীসমূহত আছে লাইফ জেকেট, লাইফ ব’ট আদিও। গুৱাহাটী-উত্তৰ গুৱাহাটীৰ মাজত থকা তিনিটাকৈ পাৰঘাটৰ পৰা চলাচল কৰিব এই ভুটভুটীসমূহ। উল্লেখ্যে যে ২০১৮ চনৰ ৫ ছেপ্টেম্বৰত সংঘটিত নাও দুৰ্ঘটনাৰ পিছত বন্ধ কৰা হৈছিল ভুটভুটীৰ চলাচল।
