গোৱালপাৰা জিলাত পুনৰ গা কৰি উঠিছে হাতী-মানুহৰ সংঘাতে৷ শেহতীয়াকৈ লক্ষীপুৰ আৰু কুকুৰকাটা অঞ্চলত বনৰীয়া হাতীৰ আক্ৰমণত এগৰাকী বনকৰ্মী আৰু এগৰাকী মহিলা নিহত হোৱাৰ পিছতেই নিশা দুধনৈৰ নিকটৱৰ্তী নৱগ্ৰাম গাঁৱত চাৰিটাকৈ বাসগৃহ ভাঙি তচনচ কৰে৷ হাতীৰ আক্ৰমণত অতিকে দুখীয়া পৰিয়ালৰ চাৰিওটা বাসগৃহৰ বিস্তৰ ক্ষতি হোৱাৰ লগতে ঘৰৰ ভিতৰত থকা সামগ্ৰীসমূহ নষ্ট কৰাৰ উপৰিও ধান-চাউল খাই শেষ কৰে৷
বনৰীয়া হাতীয়ে তাণ্ডৱ চলোৱাৰ পিছতো ক্ষতিগ্ৰস্ত লোকসকলৰ ওচৰলৈ বন বিভাগৰ লোকসকল নহাত গাঁওবাসীয়ে ক্ষোভ প্ৰকাশ কৰে৷
