ভাৰতে ওড়িশাৰ চান্দীপুৰত থকা সংৰক্ষিত পৰীক্ষণ কেন্দ্ৰৰ (Integrated Test Range) পৰা মধ্যম ব্যৱধানৰ পাৰমাণৱিক ক্ষমতা সম্পন্ন বেলাষ্টিক মিছাইল ‘অগ্নি-৪’ (Agni-4)ৰ সফল পৰীক্ষণ সম্পন্ন কৰিছে।
বিক্ষোণ আৰু প্ৰতিৰক্ষা গৱেষণা তথা বিকাশ প্ৰতিষ্ঠান (DRDO) আৰু ষ্ট্ৰাটেজিক ফ’ৰ্চেছ কমাণ্ডৰ (SFC) যৌথ উদ্যোগত এই পৰীক্ষা সফলতাৰে সম্পন্ন হয়।
- প্ৰতিৰক্ষা মন্ত্ৰালয়ে নিশ্চিত কৰিছে যে এই উৰণ পৰীক্ষণে মিছাইলটোৰ সকলো কাৰ্যকৰী আৰু কাৰিকৰী মাপকাঠি (Operational and Technical parameters) সফলতাৰে প্ৰমাণ কৰিলে। প্ৰতিৰক্ষা মন্ত্ৰী ৰাজনাথ সিঙে DRDO আৰু SFCক এই সফল পৰীক্ষণৰ বাবে শুভেচ্ছা জ্ঞাপন কৰে আৰু কয় যে এই সফলতাই অত্যাধুনিক প্ৰযুক্তিৰে দেশৰ নিৰাপত্তা নিশ্চিত কৰাত ভাৰতৰ অংগীকাৰবদ্ধতা পুনৰ প্ৰমাণ কৰিলে।
‘অগ্নি-৪’ মিছাইলৰ বৈশিষ্ট্যসমূহ:
- আঘাত কৰাৰ ক্ষমতা: ‘অগ্নি-৪’ হৈছে ভূপৃষ্ঠৰ পৰা ভূপৃষ্ঠলৈ নিক্ষিপ্ত (Surface-to-surface) কৰিব পৰা দ্বি-স্তৰীয় (two-stage) বেলাষ্টিক মিছাইল। ই ৪,০০০ কিলোমিটাৰ দূৰত্বলৈকে লক্ষ্যবস্তুত নিখুঁতভাৱে আঘাত হানিব পাৰে।
- ইন্ধন আৰু প্ৰযুক্তি: এই মিছাইল কঠিন ইন্ধনযুক্ত ৰকেট মোটৰেৰে চালিত। ইয়াত পঞ্চম প্ৰজন্মৰ অন-ব’ৰ্ড কম্পিউটাৰ, ৰিং লেজাৰ গায়্ৰ’ আধাৰিত ইনাৰ্ছিয়েল নেভিগেচন চিষ্টেম (RINS) আৰু উন্নত দিশ নিৰ্ণায়ক প্ৰযুক্তি ব্যৱহাৰ কৰা হৈছে, যিয়ে আকাশমাৰ্গতেই নিজৰ গতিপথ সংশোধন কৰিব পাৰে।
- পাৰমাণৱিক ক্ষমতা: ই পাৰমাণৱিক আৰু পৰম্পৰাগত – দুয়ো ধৰণৰ যুদ্ধাষ্ট্ৰ (Warheads) কঢ়িয়াই নিবলৈ সক্ষম।
