অসম-ত্ৰিপুৰা সীমান্তত বৃহৎ পৰিমাণৰ ফেন্সিডাইল জব্দ!

অসম-ত্ৰিপুৰা সীমান্তত ত্ৰিপুৰা আৰক্ষীয়ে অভিযান চলাই জব্দ কৰে বৃহৎ পৰিমাণৰ ফেন্সিডাইল। গুৱাহাটীৰ পৰা আগৰতলা অভিমুখী NL 01 AC 1407 নম্বৰৰ ট্ৰাকখনত তালাচী চলাই আৰক্ষীয়ে ২০০ কাৰ্টন ফেন্সিডাইল জব্দ কৰে।

এই কাৰ্টন সমূহত ফেন্সিডাইলৰ প্ৰায় ২০ হাজাৰ বটল আছিল বুলি আৰক্ষীয়ে জনাইছে। উল্লেখ্য যে, অসম সীমান্ত পাৰ হৈ ত্ৰিপুৰাত প্ৰৱেশ কৰাৰ সময়তে আৰক্ষীৰ হাতত ধৰা পৰে। আৰক্ষীয়ে তালাচী চলোৱাৰ পূৰ্বে ট্ৰাকচালকজনে পলায়ন কৰে।

Author: NKTV Digital