হানী ট্ৰেপিঙৰ জালত বেংক মেনেজাৰ; লুটিলে ৩.১৫ লাখ টকা

যোৰহাটত হানী ট্ৰেপিং চক্ৰৰ বিৰুদ্ধে আৰক্ষীৰ অভিযান। অভিযোগ অনুসৰি, প্ৰথমে চিনাকি, তাৰ পিছত ঘনিষ্ঠতা আৰু শেষত ব্লেকমেইলিং। এনেদৰে কৌশলেৰে ধন সংগ্ৰহ কৰিছিল এটা চক্ৰই।

চক্ৰটোৰ জালত পৰিছিল তিনিচুকীয়াৰ এজন বেংক মেনেজাৰ। অভিযোগ অনুসৰি, ‘মৰমী নেওগ’ নামৰ এটা ইনষ্টাগ্ৰাম একাউণ্টৰ জৰিয়তে মেনেজাৰজনৰ সৈতে চিনাকি হৈছিল চক্ৰটোৱে। পৰৱৰ্তী সময়ত ঘনিষ্ঠতা বৃদ্ধি কৰি ব্যক্তিগত মুহূৰ্তৰ ভিডিঅ’ ৰেকৰ্ডিং কৰাৰ অভিযোগ উঠিছে।

সেই ভিডিঅ’ দেখুৱাই ব্লেকমেইল কৰি মেনেজাৰজনৰ পৰা প্ৰথমে ৩ লাখ ১৫ হাজাৰ টকা সংগ্ৰহ কৰাৰ অভিযোগ চক্ৰটোৰ বিৰুদ্ধে। ইয়াৰ পিছত পুনৰ ৫ লাখ টকা দাবী কৰাৰ অভিযোগ উত্থাপন হৈছে।

পৰৱৰ্তী সময়ত উপায়হীন হৈ ভুক্তভোগী বেংক মেনেজাৰজনে আৰক্ষীৰ কাষ চাপে। আৰক্ষীৰ তদন্তত ক্ৰমাৎ সমগ্ৰ ঘটনাটো পোহৰলৈ অহাৰ পিছত অভিযান চলাই বেবী বৰা নামৰ এগৰাকী যুৱতীসহ মুঠ ৪জন লোকক আটক কৰা হৈছে।

ঘটনাটোক কেন্দ্ৰ কৰি আৰক্ষীয়ে হানী ট্ৰেপিং চক্ৰটোৰ সৈতে জড়িত আন লোকৰ সন্ধানতো তদন্ত অব্যাহত ৰাখিছে। ঘটনা সন্দৰ্ভত অধিক তথ্য আৰক্ষীৰ তদন্তৰ পিছতহে স্পষ্ট হ’ব।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...