সমগ্ৰ ইউৰোপক দহিছে অভূতপূৰ্ব উষ্ণ প্ৰবাহে। গৰমত অতিষ্ঠ মানুহে আশ্ৰয় লৈছে পানীৰ। ঘৰৰ ছাদত আইনাৰে তৈয়াৰ কৰা চুইমিং পুলত নিজকে ডুবাই ৰাখিছে একাংশই, আন এচামে আশ্ৰয় লৈছে চুইমিং পুলত।
নিজৰ সকলো কাম–কাজ এৰি মানুহে এনেদৰে দিনটো অতিবাহিত কৰিবলগীয়া হৈছে পুলৰ পানীত। অকল ৰুফটপ চুইমিং পুলেই নহয়, মাটিত বা ইণ্ডোৰ ষ্টেডিয়ামত নিৰ্মিত চুইমিং পুলত এতিয়া দেখা গৈছে মানুহৰ ভিৰ।
একেদৰে সমুদ্ৰ তীৰতো সমবেত হৈছে হাজাৰ হাজাৰ মানুহ। লক্ষ্যণীয়ভাৱে সাধাৰণতে ইউৰোপ মহাদেশ এক ঠাণ্ডা ভূখণ্ড যদিও, কেতিয়াবা কেতিয়াবা গৰমে ইয়াত ঘাতক ৰূপ ধাৰণ কৰে।
আনহাতে ঠাণ্ডাৰ লগত অধিক অভ্যস্ত ইউৰোপবাসীয়ে সহ্য কৰিব নোৱাৰে গৰমৰ প্ৰকোপ।
সেয়ে তেওঁলোকে এনেকুৱা গৰমৰ দিনত আশ্ৰয় ল’ব লগা হয় পানীৰ, সাগৰ বা চুইমিং পুলৰ।
