কঁঠালৰ উপকাৰিতা বহুতো আছে। অসমৰ প্ৰায় সকলো মানুহৰে বাৰীত এজোপা হ’লেও কঠালৰ গছ পোৱা যায়। কঁঠালক পুষ্টি তথা ঔষধি গুণৰ ভঁৰাল বুলিব পাৰি। কঁঠালত ৰোগ প্ৰতিৰোধী গুণ থাকে। দেহৰ ৰোগ প্ৰতিৰোধী ব্যৱস্থা সবল কৰি মানুহক সুস্থ-সবল কৰি ৰখাত সহায় কৰে। কঁঠালত থকা পটাচিয়ামে উচ্চ ৰক্তচাপ নিয়ন্ত্ৰণ কৰি হৃদৰোগত বাধা দিয়ে। কঁঠালত যথেষ্ট পৰিমাণে ভিটামিন-এ থাকে, যিয়ে দৃষ্টিশক্তি বৃদ্ধিত সহায় কৰে। তেজত ৰক্তকণিকা গঠনত সহায় কৰে কঁঠালে। পটাছিয়াম আৰু মেগনেছিয়াম সমৃদ্ধ কঁঠালে হাড়ৰ ঘনত্ব বঢ়াই হাড় শক্তিশালী কৰি তোলে। নিয়মিতভাবে কঁঠাল খালে দেহৰ ছাল মসৃণ হয় আৰু ছালত সহজে বলিৰেখা নপৰে। কঁঠাল আলচাৰ প্ৰতিৰোধী গুণেৰে ভৰা। ই পেটৰ আলচাৰ নিৰাময় কৰে আৰু পাচন প্ৰণালী শক্তিশালী কৰি হজম প্ৰক্ৰিয়াৰ আসোঁৱাহ দূৰ কৰে। কঁঠাল এজমা ৰোগীৰ বাবেও উপকাৰী।
