পশ্চিমবংগত গুৱাহাটীমুখী ৰে’ল দুৰ্ঘটনাগ্রস্ত। বিকানীৰ গুৱাহাটী এক্সপ্রেছৰ কেইবাটাও দবা শিলিগুৰিৰ ওচৰত লাইনচ্যুত হয়।
জলপাইগুৰিৰ মইনাগুৰি এলেকাত ক্ষন্তেক সময় পূৰ্বে সংঘটিত হয় এই ঘটনা।
পাটনা হৈ গুৱাহাটীলৈ আহি আছিল ৰে’লখন। কমেও ৬টা দবা লাইনচ্যুত হয় বুলি জানিব পৰা গৈছে। ইতিমধ্যে অঞ্চলটোত ৰে’লৱেৰ উদ্ধাৰকাৰী বাহিনী উপস্থিত হৈছে।
জলপাইগুৰি প্রশাসনৰ কেইবাগৰাকী বিষয়া উপস্থিত হৈছে। দুটাকৈ দবা সম্পূৰ্ণৰূ ক্ষতিগ্ৰস্ত হৈছে। হতাহতৰ সংখ্যা সন্দৰ্ভত কোনো সংখ্যা এতিয়াও জানিব পৰা হোৱা নাই।
গেছ কাটাৰৰ সহায় লৈছে উদ্ধাৰকাৰী দলে। ৰে’লৰ ভিতৰত বহু যাত্ৰী আবদ্ধ হৈ থকাৰ সন্দেহ।
মুকলি কৰিছে তিনিটাকৈ হেল্পলাইন নম্বৰ– 8134054999, 0361-2731622, 0361-2731623।
