বৰপেটা সত্ৰলৈ আহিব জৰ্জিয়াৰ ৰাষ্ট্ৰদূত ৷ বৰপেটা সত্ৰত অনুষ্ঠিত বিখ্যাত দৌল মহোৎসৱ দৰ্শন কৰিবলৈ বৰপেটা সত্ৰলৈ আহিব জৰ্জিয়াৰ ৰাষ্ট্ৰদূত আৰ্ছিল জুলিয়াছভিলি৷ বৰপেটাৰ জিলা উপায়ুক্তই জনোৱা অনুসৰি জৰ্জিয়াৰ ৰাষ্ট্ৰদূতগৰাকী শনিবাৰে বৰপেটা সত্ৰত উপস্থিত হৈ দৌল মহোৎসৱত অংশ ল’ব৷ বৰপেটাৰ বিখ্যাত দৌলৰ আনন্দ উপভোগ কৰাৰ বাবে ৰাষ্ট্ৰদূতগৰাকী গুৱাহাটী হৈ ৰাওনা হ’ব বৰপেটালৈ ৷ নিশাটো গুৱাহাটীত কটাই জৰ্জিয়াৰ ৰাষ্ট্ৰদূতগৰাকীয়ে শনিবাৰে বৰপেটা সত্ৰৰ সুৱেৰীত অংশ ল’ব ৷ বৰপেটাৰ বিখ্যাত দৌল মহোৎসৱে এক সুকীয়া পৰিচিতি লাভ কৰিবলৈ সক্ষম হোৱাৰ পিচতেই এগৰাকী ৰাষ্ট্ৰদূতৰ বৰপেটাৰ দৈল মহোৎসৱৰ সুৱেৰীত অংশগ্ৰহণ বৰপেটাবাসীৰ বাবে ভাল খবৰ ৷
