চন্দ্ৰপুৰস্থিত ৰঙা ফিল্ডত অনুষ্ঠিত হৈ থকা পঞ্চম লেছি টাৰো সোঁৱৰণী প্ৰাইজমানি ফুটবল প্ৰতিযোগিতাত বৃহস্পতিবাৰে অনুষ্ঠিত হয় প্ৰথমখন চেমি ফাইনেল। প্ৰথমখন চেমি ফাইনেল পি.এছ.এ মণিপুৰ আৰু এন. অফ.চি.চিৰ মাজত অনুষ্ঠিত হয়। খেলখনত এন. অফ.চি. চি দলে পি.এছ.এ মণিপুৰক ৪-২ গ’লৰ ব্যৱধানত পৰাস্ত কৰি চূড়ান্ত খেলত প্ৰৱেশ কৰে।
তীব্ৰ উত্তেজনাপূৰ্ণ খেলখনত প্ৰথম ৬ মিনিটত পি.এছ. এ মণিপুৰে দুটাকৈ গ’ল কৰি এক প্ৰকাৰৰ ধাৰাশায়ী কৰি তুলিছিল এন. অফ.চি. চি ক। পৰৱৰ্তী সময়ত প্ৰথমাৰ্ধতে এন. অফ.চি. চিয়ে দুটি গ’ল কৰি সমতা স্থাপন কৰে। ইয়াৰ পিছত দ্বিতীয়াৰ্ধত এন. অফ.চি.চিয়ে পুনৰ দুটি গ’ল কৰি খেলখন সম্পূৰ্ণৰূপে নিজৰ হাতলৈ নিয়ে।
