সমাগত লোকসভা নিৰ্বাচন। ১৯ এপ্ৰিল তাৰিখে মেঘালয়ত অনুষ্ঠিত হ’বলগীয়া প্ৰথম পৰ্যায়ৰ ভোটগ্ৰহণৰ পৰিপ্ৰেক্ষিতত কামৰূপ মহানগৰ জিলা দণ্ডাধীশে ১৭ এপ্ৰিলৰ বিয়লি ৪ বজাৰ পৰা ১৯ এপ্ৰিললৈ ভোটগ্ৰহণ সমাপ্ত নোহোৱা পৰ্যন্ত কামৰূপ মহানগৰ জিলাত ড্ৰাই দে’ ঘোষণা কৰিছে। এই সময়ছোৱাত জিলাখনত সুৰাৰ সেৱন, সৰবৰাহ তথা ক্ৰয়-বিক্ৰয় সম্পূৰ্ণৰূপে নিষিদ্ধ কৰা হৈছে। লগতে সুৰাৰ পাইকাৰী আৰু খুচুৰা বিপনী বন্ধ ৰখাৰ নিৰ্দেশ জাৰি কৰা হৈছে। কোনো ব্যক্তি অথবা প্ৰতিষ্ঠানে উল্লেখিত নিয়ম ভংগ কৰিলে জনপ্ৰতিনিধি আইন, ১৯৫১ ৰ ১৩৫(গ) ধাৰা তথা আবকাৰী আইনৰ অধীনত বিহিত ব্যৱস্থা গ্ৰহণ কৰা হ’ব। উল্লেখনীয় যে কাষৰীয়া ৰাজ্য খনত প্ৰথম পৰ্যায়ৰ ভোটগ্ৰহণ প্ৰক্ৰিয়াত শান্তি-শৃংখলা অটুট ৰখাৰ স্বাৰ্থত এই নিৰ্দেশনা জাৰি কৰা হৈছে।
