অৱশেষত ঘোষণা কৰা হ’ল দিল্লী বিধানসভা নিৰ্বাচনৰ দিন। ভাৰতৰ নিৰ্বাচন আয়োগে ঘোষণা কৰিলে নিৰ্বাচনৰ দিন। অহা ৫ ফেব্ৰুৱাৰীত হ’ব দিল্লী বিধানসভা নিৰ্বাচন। ৮ ফেব্ৰুৱাৰীত হ’ব নিৰ্বাচনৰ ফলাফল ঘোষণা। মুঠ ৭০টা বিধানসভা সমষ্টিত হ’ব নিৰ্বাচন। ১০ জানুৱাৰীত আনুষ্ঠানিকভাৱে প্ৰকাশ পাব নিৰ্বাচনী অধিসূচনা। মনোনয়নৰ দাখিলৰ অন্তিম দিন ১৭ জানুৱাৰী। দেশৰ মুখ্য নিৰ্বাচন বিষয়া ৰাজীৱ কুমাৰৰ সংবাদমেলযোগে আনুষ্ঠানিকভাৱে ঘোষণা কৰে নিৰ্বাচনৰ দিন। মুখ্য নিৰ্বাচন আয়ুক্ত ৰাজীৱ কুমাৰে কয় যে, দেশৰ ৰাজধানীত ১.৫ কোটি ভোটাৰৰ বাবে ৩৩ হাজাৰ বুথ নিৰ্মাণ কৰা হৈছে। ইয়াৰে ৮৩.৪৯ লাখ পুৰুষ আৰু ৭৯ লাখ মহিলা ভোটাৰ আছে। ২.০৮ লাখ নতুন ভোটাৰ। ৮৩০ জন ভোটাৰৰ বয়স ১০০ বছৰৰ অধিক। কোনে লাভ কৰিব দিল্লীৰ শাসনৰ বাঘজৰী, জানিবলৈ অপেক্ষা কৰিব লাগিব অহা ৮ ফেব্ৰুৱাৰীলৈ।
