শীঘ্ৰে পিতৃ-মাতৃৰ পৰিচয়েৰে পৰিচিত হ’ব বলিউডৰ ছুপাৰষ্টাৰ ৰণবীৰ সিং আৰু দীপিকা পাদুকন। চিকিৎসকে জনোৱা মতে ২৮ ছেপ্টেম্বৰত ধৰালৈ আহিব বহু প্ৰতীক্ষিত ষ্টাৰকিড। প্ৰথম সন্তানৰ আগমনৰ প্ৰাকক্ষণত সিদ্ধিবিনায়কৰ আশীৰ্বাদ বিচাৰি মুম্বাইৰ এটা গণেশ মন্দিৰত উপস্থিত হ’লগৈ বলিউডৰ জনপ্ৰিয় জুটিটো।
সেউজীয়া ৰঙৰ এখন মাৰ্জিত ৰেচমী শাৰী পিন্ধি মন্দিৰৰ দিশে আগবাঢ়িল দীপিকা। শাৰীৰ আঁচলেৰে লুকুৱাই ৰাখিলে নিজৰ বেবী বাম্প। এটা সাধাৰণ খোপা আৰু এযোৰ ষ্টাইলিচ কাণফুলিৰে যথেষ্ট ধুনীয়া দেখা গৈছিল দীপিকাক। আনহাতে ষ্টাইলিছ অফ হোৱাইট কুৰ্তাত দেখা গ’ল ৰণবীৰ কাপুৰক। মানুহৰ ভিৰ ফালি দীপিকাক সন্তৰ্পনে আগবঢ়াই নিলে ৰণবীৰে। দুয়োকে আগুৰি ধৰা অনুৰাগীসকলক সম্ভাষণ জনাই হাতে-হাত ধৰি আগবাঢ়িল তাৰকাদ্বয়। সম্প্ৰতি সামাজিক মাধ্যমত ভাইৰেল ৰণবীৰ-দীপিকাৰ এই মৰমলগা ভিডিঅটো।
