লোকপ্ৰিয় গোপীনাথ বৰদলৈ আন্তৰাষ্ট্ৰীয় বিমান বন্দৰৰ নাম সলনি কৰাক লৈ ৰাজ্যজুৰি প্ৰতিক্ৰিয়াৰ সৃষ্টি হৈছে। ইয়াক লৈ বিতৰ্কৰো সৃষ্টি হৈছে ইতিমধ্যে। বুধবাৰে বিতৰ্কিত বিষয়টোক লৈ মুখ্যমন্ত্ৰী হিমন্ত বিশ্ব শৰ্মাই জনালে প্ৰতিক্ৰিয়া। কোনো কাৰণত নাম সলনি নহয় লোকপ্ৰিয় গোপীনাথ বৰদলৈ বিমান বন্দৰৰ। আদানী গ্ৰুপক চোৱাচিতাৰ দায়িত্ব দিয়া বিমান বন্দৰটোৰ নাম হিমন্ত বিশ্ব শৰ্মা মুখ্যমন্ত্ৰী হৈ থকালৈকে সলনি কৰিবলৈ নিদিয়ে বুলি জনাইছে মুখ্যমন্ত্ৰীজনে। উল্লেখ্য যে, আদানী গ্ৰুপে লোকপ্ৰিয় গোপীনাথ বৰদলৈ আন্তৰাষ্ট্ৰীয় বিমান বন্দৰৰ দায়িত্ব লোৱাৰ পিচতে ৰাজ্যজুৰি প্ৰতিক্ৰিয়াৰ সৃষ্টি হৈছিল।
