এফালে ক’ভিডত পিষ্ট জনতা, আনফালে মূল্যবৃদ্ধিৰ মাধমাৰ। তাৰ মাজতে যাত্ৰীৰ ভাড়াবৃদ্ধিৰ সিদ্ধান্ত লৈছে সদৌ অসম মটৰ পৰিবহণ সন্থাই। ৫০ শতাংশ ভাড়াবৃদ্ধিৰ সিদ্ধান্তত স্বাভাৱিকতে সৃষ্টি হৈছে প্ৰতিক্ৰিয়াৰ।
ছেপ্টেম্বৰৰ পৰা বাঢ়িব বাছ, যাত্ৰীবাহী গাড়ীৰ ভাড়া
৫০% ভাড়া বৃদ্ধিৰ সিদ্ধান্ত
এই সিদ্ধান্ত সদৌ অসম মটৰ পৰিবহণ সন্থাৰ
এতিয়াও খোলা নাই আন্তঃজিলা যাতায়াতৰ ৰাজহুৱা পৰিবহণ ব্যৱস্থা। এক ছেপ্টেম্বৰৰ পৰা খুলি দিয়াৰ সম্ভাৱনা আছে। ছেপ্টেম্বৰত আন্তঃজিলা যাতায়াত খুলিলেই ভাড়াবৃদ্ধি কৰিব সদৌ অসম মটৰ পৰিবহণ সন্থাই। দেওবাৰে তেজপুৰত অনুষ্ঠিত এক সভাত এই সিদ্ধান্ত গ্ৰহণ কৰে সন্থাই। সন্থাৰ এই সিদ্ধান্তত তীব্ৰ অসন্তুষ্টি প্ৰকাশ কৰিছে যাত্ৰী তথা সৰ্বসাধাৰণ লোকে। একাংশৰ মন্তব্য ১৫/২০ শতাংশ বঢ়াওক, ৫০ শতাংশ নহয়। ইফালে নিজৰ সিদ্ধান্তত অটল পৰিবহণ সন্থা। তেওঁলোকৰ যুক্তি ৪ বছৰ পূৰ্বেই যি ভাড়া বঢ়োৱা হৈছিল সেই ভাড়াই আদায় কৰি থকা হৈছে। কিন্তু এই সময়ছোৱাত ৪০ শতাংশ পৰ্যন্ত বৃদ্ধি পাইছে পেট্ৰ’ল-ডিজেলৰ মূল্য। বৃদ্ধি পাইছে গাড়ীৰ যন্ত্ৰাংশৰ মূল্যও।
