ৰাছিয়ান ক্ষেপণাস্ত্ৰ আক্ৰমণত নিহত উত্তৰ প্ৰদেশৰ যুৱকৰ মৃতদেহ ৩৪ দিন পিছত উপস্থিত ভাৰতত । ৰাছিয়া- ইউক্ৰেইন যুদ্ধত ৰাছিয়ান ক্ষেপণাস্ত্ৰৰ সন্মুখীন তুৰস্কৰ এখন বাণিজ্যিক জাহাজত নিহত হৈছিল উত্তৰ প্ৰদেশৰ ২২ বছৰীয়া অভিষেক নিশাদৰ।
উত্তৰ প্ৰদেশৰ দেওৰিয়াৰ কৰ্মেল গাঁৱৰ বাসিন্দা অভিষেকে প্ৰথমবাৰৰ বাবে বিদেশত কাম কৰিবলৈ তুৰস্কৰ জাহাজ ‘Golden Loe’-ত Ordinary Seaman হিচাপে যোগদান কৰিছিল। কিন্তু বিদেশত কৰ্মজীৱনৰ আৰম্ভণিতেই সংঘটিত হয় এই কৰুণ ঘটনা।
ঘটনাৰ ৩৪ দিন পিছত দেওবাৰে অভিষেকৰ মৃতদেহ ভাৰতলৈ অনা হয়। দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত মৃতদেহ আহি পোৱাৰ পিছত পুৱা প্ৰায় ৮ বজাত অভিষেকৰ আত্মীয়সকলে তেওঁৰ মৃতদেহ লৈ নিজ গাঁও কৰ্মেললৈ ৰাওনা হয়।
প্ৰথম বিদেশ যাত্ৰাতেই অভিষেকৰ জীৱনৰ এই কৰুণ পৰিসমাপ্তিয়ে পৰিয়াল আৰু গাঁওবাসীৰ মাজত গভীৰ শোকৰ ছাঁ পেলাইছে।
